جۋرناليست جارىلقاپ قالىباي اقىن مۇحتار شاحانوۆتىڭ اقىرعى اماناتىنا بايلانىستى پٸكٸر بٸلدٸردٸ, دەپ حابارلايدى Dalanews.kz.
ونىڭ ايتۋىنشا, اقىن كٶزٸ تٸرٸسٸندە ارىستان باب كەسەنەسٸنٸڭ اۋماعىنا ٶزبەكەلٸ جەنٸبەكوۆتٸڭ جانىنا جەرلەنگٸسٸ كەلەتٸنٸن ايتقان. الايدا قازٸرگٸ شەشٸم بويىنشا, شاحانوۆ قوعام اۋىلدىق زيراتىنا قويىلماق.
"قوعام دەگەن اۋىل بار. ول جەردە كٶپەن ەمٸربەك جاتىر. قازاق تٸلٸ قوعامىن باسقارعان ٶمٸرزاق ايتباەۆ اعامىز جاتىر. شاحانوۆتى سول قوعامعا جەرلەمەكشٸ بولىپ, شەشٸم شىعارىپ قويدى. ول 4-5 كم قاشىقتىقتا. جۇرت ارىستان بابقا كەلەدٸ دە, سول جەردەن قايتىپ كەتەدٸ. ولار اۋىلدىڭ بٸر شەتٸنە بارمايدى. بٸز سيياقتى بٸلەتٸن ادامدار بولماسا, كٶپشٸلٸك بارمايدى", - دەيدٸ جارىلقاپ قالىباي.
جارىلقاپ قالىبايدىڭ پٸكٸرٸنشە, مۇنداي شەشٸم اقىن اماناتىنا قايشى كەلۋٸ مٷمكٸن. ول شاحانوۆتىڭ نەگٸزگٸ ماقساتى — قاسيەتتٸ ورىنعا كەلەتٸن ادامداردىڭ جول-جٶنەكەي ٶزٸنە دە قۇران باعىشتاپ, تاعزىم ەتۋٸ بولعانىن اتاپ ٶتتٸ.
«ارىستان بابقا كەلگەن جۇرت قايىرىلىپ, ماعان دا قۇران وقىسا ەكەن دەگەن نيەت بولدى. اۋىلدىڭ شەتٸنە جەرلەۋ – اماناتقا قييانات», – دەدٸ ول.
ايتا كەتەيٸك, بۇعان دەيٸن اقىننىڭ جارى حانشايىم شاحانوۆا قازاقستان پرەزيدەنتٸ ەكٸمشٸلٸگٸنە حات جولداپ, شاحانوۆتى تٸكەلەي ارىستان باب كەسەنەسٸنٸڭ اۋماعىنا جەرلەۋدٸ سۇراعان. ول بۇل ٶتٸنٸشتٸ اقىننىڭ سوڭعى تٸلەگٸمەن بايلانىستىرعان.
دەگەنمەن, كەيٸنٸرەك اقىننىڭ كەسەنە اۋماعىنا ەمەس, قوعام اۋىلدىق زيراتىنا جەرلەنەتٸن بولدى. بۇل شەشٸم قوعامدا قىزۋ تالقىلانىپ, سىنعا ۇشىراپ جاتىر. سىن ايتۋشىلاردىڭ كٶپشٸلٸگٸ اقىننىڭ اماناتى تولىق ورىندالماي وتىر دەگەن پٸكٸردە.
بٷگٸن الاشتىڭ اياۋلى اقىنىنىڭ جانازا نامازى وتىرارداعى تۋعان اۋىلىندا وقىلىپ, دەنەسٸ اۋىل ماڭىنداعى بەيٸتكە جەرلەندٸ.
