ولاردىڭ بىرىندە اۋىل تۇرعىندارىنا ارنالعان سۋ ءتاريفىن تومەندەتۋ كوزدەلىپ وتىر. وعان سۋبسيديا الۋ جونىندەگى راسىمدەردى وڭتايلاندىرۋ ەسەبىنەن دە قول جەتكىزىلۋگە ءتيىس. ال وسى تاريفتەردىڭ ءوزى ەندى ناقتى ءوڭىردىڭ الەۋمەتتىك-ەكونوميكالىق دامۋىن ەسكەرە وتىرىپ ايقىندالۋى ءتيىس.
مۇنداي جاڭالىقتار «قازاقستان رەسپۋبليكاسىنىڭ سۋ كودەكسىنە جەرگىلىكتى وكىلدى، ورتالىق جانە جەرگىلىكتى اتقارۋشى ورگاندار اراسىندا اۋىزسۋمەن جابدىقتاۋدى سۋبسيديالاۋ جونىندەگى وكىلەتتىكتەردىڭ اراجىگىن اجىراتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭدا قاراستىرىلعان. قۇجات بۇگىن ەكى وقىلىمدا قابىلداندى.
ەندى اۋىل تۇرعىندارى اۋىز سۋعا از اقشا تولەيدى سەناتورلار ەلىمىزدىڭ سۋ كودەكسىنە سونداي وزگەرىستەر ەنگىزدى.
ءقازىر قالالارعا قاراعاندا اۋىلداردا اۋىز سۋ تاريفتەرى جوعارى بولىپ تۇر. مۇنىڭ ءبىر سەبەبى – اۋىلداردىڭ گەوگرافيالىق شالعايلىعى مەن حالىق سانىنىڭ ازدىعىن جانە تاعى باسقانى ەسكەرگەندە سۋ قۇبىرى ينفراقۇرىلىمى قۇرىلىسىنىڭ قىمباتقا تۇسەدى. قازىرگى كەزدە وڭىرلەردەگى سۋدىڭ قۇنىن تومەندەتۋ ءۇشىن بۇل شىعىنداردىڭ ءبىر بولىگىن مەملەكەت ءوز موينىنا الۋدا.
– اۋىلدىق ەلدى مەكەندەردى ساپالى اۋىزسۋمەن قامتاماسىز ەتۋ – ەلىمىزدىڭ الدىندا تۇرعان باستى مىندەتتەردىڭ ءبىرى. دەپۋتاتتار باستاماشىلىق جاساعان وسى زاڭ اۋىلدىق جەرلەردى سۋمەن جابدىقتاۋ ماسەلەلەرىن شەشۋ جولىنداعى ماڭىزدى قادام ەكەنى ءسوزسىز. ۇسىنىلىپ وتىرعان نورمالار وڭىرلەردى دامىتۋعا جانە جەرگىلىكتى اتقارۋشى ورگانداردىڭ جۇمىسىنىڭ تيىمدىلىگىن ارتتىرۋعا ىقپال ەتەتىنى ايقىن، – دەپ اتاپ ءوتتى ماۋلەن اشىمبايەۆ.
سونىمەن قاتار جاڭا تاريفتەردى بەكىتۋدىڭ جاڭا تەتىكتەرى ماقۇلداندى، ەندى جەرگىلىكتى وكىلدى ورگاندار – ءماسليحاتتارعا وسىنداي وكىلەتتىك بەرىلەدى. سونداي-اق، جاڭا تاريفتەردى قابىلداي وتىرىپ، ولار ايماقتىڭ الەۋمەتتىك-ەكونوميكالىق دامۋىن دا ەسكەرۋى كەرەك. ەڭ باستىسى، اۋىل تۇرعىندارىنا ارنالعان تاريف رەسپۋبليكا بويىنشا ەڭ تومەنگى تاريفتەن تومەن بولماۋى ءتيىس، ءبىراق ورتاشا وبلىستىق دەڭگەيدەن جوعارى بولماۋى كەرەك.
رەسپۋبليكا بويىنشا بەرىلەتىن اۋىز سۋدىڭ ءبىر تەكشە مەترى ءۇشىن ەڭ تومەنگى تولەم مولشەرى 15 تەڭگەنى قۇرايتىنىن ەسكە سالامىز.
سونىمەن قاتار، دەپۋتاتتار جىلجىمايتىن مۇلىككە قۇقىقتاردى ۋاقتىلى تىركەمەگەنى ءۇشىن اكىمشىلىك جاۋاپكەرشىلىكتى الىپ تاستاۋدى ۇسىندى. ەندى بۇدان بىلاي مۇنداي كەشىگۋ ورىنالعاندا ادامدار جازاعا تارتىلمايدى جانە ايىپپۇل سالىنبايتىن بولدى.
سونىمەن قاتار، جەر ۋچاسكەسىنە قۇجاتتاردى رەسىمدەۋ جانە جىلجىمايتىن مۇلىككە قۇقىقتاردى مەملەكەتتىك تىركەۋ ءراسىمى ايتارلىقتاي جەڭىلدەتىلەدى. وسىلايشا، ادامدارعا وسى مەملەكەتتىك قىزمەتتەردى الۋ وڭايىراق بولادى. بۇل جاڭاشىلدىقتار دەپۋتاتتار قابىلداعان «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جىلجىمايتىن مۇلىككە قۇقىقتاردى جانە زاڭدى تۇلعالاردى مەملەكەتتىك تىركەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭدا جازىلعان.
