مەملەكەت باسشىسىنىڭ تاپسىرمالارى شەڭبەرىندە قازاقستان رەسپۋبليكاسى دەنساۋلىق ساقتاۋ مينيسترلىگى اۋىلدىق جەرلەردە مەديسينالىق كومەكتىڭ ساپاسى مەن قولجەتىمدىلىگىن جاقسارتۋ جونىندەگى كەڭ اۋقىمدى شارالاردى ىسكە اسىرۋدا.

كولىك مەديسيناسى - تۇرعىندارعا مەديسينالىق كومەكتىڭ قولجەتىمدىلىگىن ارتتىرۋدىڭ قارقىندى دامىپ كەلە جاتقان باعىتى. ەلىمىزدىڭ شالعاي اۋداندارىنىڭ تۇرعىندارى ءۇشىن مەديسينالىق قىزمەتتەردىڭ قولجەتىمدىلىگىن ارتتىرۋ ماقساتىندا جىلجىمالى مەديسينالىق كەشەندەر (جمك) دە بەلسەندى جۇمىس ىستەۋدە.

2024 جىلى 3072 ەلدى مەكەننىڭ 1،2 ملن تۇرعىنى «دوڭگەلەكتەگى ەمحانالاردىڭ» كومەگىمەن دارىگەرلەردىڭ ككونسۋلتاسيالارى مەن دياگنوستيكالىق ەم-شارالارعا قول جەتكىزدى.

جىلجىمالى كەشەندەردىڭ كومەگىمەن بەيىندى ماماندار 1،2 ملن. كونسۋلتاسيا، 656 مىڭ دياگنوستيكالىق، 333 مىڭ زەرتحانالىق زەرتتەۋ جۇرگىزدى.

زەرتتەپ قاراۋ ناتيجەسىندە ءارتۇرلى اۋرۋلارى بار 95 مىڭ پاسيەنت انىقتالدى، ونىڭ 78،3%-ى ەرەسەكتەر، 21،7%-ى بالالار. كاسىپتىك تەكسەرۋ قورىتىندىسى بويىنشا 33،7 مىڭ اۋىل تۇرعىنى ديسپانسەرلىك باقىلاۋعا الىندى.

2024 جىلى «سالاماتتى قازاقستان» مەديسينالىق پويىزى 128 ستانسيانىڭ 104 مىڭ تۇرعىنىن، ونىڭ ىشىندە 21 000 بالانى قامتىدى، بۇل وتكەن جىلمەن سالىستىرعاندا 20%-عا ارتىق.

مەديسينالىق پويىزدىڭ ماماندارى 240 000 مەديسينالىق قىزمەت كورسەتتى، ونىڭ ىشىندە 12 500 ستوماتولوگيالىق ەم-شارا، 25 000 زەرتحانالىق زەرتتەۋ، 8 000 شاعىن حيرۋرگيالىق وپەراسيا جانە 24 000 اسپاپتىق جانە دياگنوستيكالىق زەرتتەۋ جۇرگىزدى.

قاراپ-تەكسەرۋ بارىسىندا ءتۇرلى اۋرۋلارى بار 5 500 پاسيەنت انىقتالىپ، ولارعا قاجەتتى كومەك كورسەتىلدى.

«اۋىلدىق دەنساۋلىق ساقتاۋدى جاڭعىرتۋ» ۇلتتىق جوباسىنىڭ شەڭبەرىندە اۋىلدىق اۋدانداردا مەديسينالىق ينفراقۇرىلىمدى جۇيەلى جاڭارتۋ جالعاسۋدا.
2024 جىلى 460 نىساننىڭ قۇرىلىسى اياقتالدى، تاعى 195 مساك نىسانى 2025 جىلى تاپسىرىلادى.

جاڭا اۋىلدىق دارىگەرلىك امبۋلاتوريالاردا جانە فەلدشەرلىك-اكۋشەرلىك پۋنكتتەردە العاش رەت كۇندىزگى ستاسيونارلار، امبۋلاتوريالىق وڭالتۋ ءۇشىن فيزيوتەراپيا كابينەتتەرى، اۋداننان تىس جەرلەرگە بارماي زەرتتەپ-قاراۋدان ءوتۋ مۇمكىندىگىمەن زەرتحانالىق كابينەتتەر پايدا بولدى.

جابدىقتالعان تەلەمەديسينالىق كابينەتتەردە اۋىلدىق پاسيەنتتەر وبلىستىق جانە رەسپۋبليكالىق كلينيكالاردىڭ جەتەكشى دارىگەرلەرىنەن قاشىقتىقتان كونسۋلتاسيا الا الادى. تەلەمەديسينا قىزمەتتەرى ءبىر جىلدا 2 ەسەگە ۇلعايتىلدى.

اۋىل تۇرعىندارىنا جوعارى تەحنولوگيالىق مەديسينالىق كومەكتىڭ قولجەتىمدىلىگى ءۇشىن 2025 جىلى 32 اۋداندىق اۋرۋحانانى جاڭعىرتۋ جالعاسادى، ولاردىڭ بازاسىندا انگيوگرافتارمەن، كت، مرت جابدىقتالعان كارديولوگيالىق ورتالىقتار، تراۆماتولوگيا، رەانيماسيا، حيرۋرگيا بولىمشەلەرى اشىلادى.

بۇل شارالار «التىن ساعات» قاعيداتىن ساقتاي وتىرىپ، ينفاركت، ينسۋلت، جاراقات جانە باسقا دا جاعدايلار كەزىندە اۋىل تۇرعىندارىنا شۇعىل مەديسينالىق كومەك كورسەتۋدى قامتاماسىز ەتەدى، بۇل وسى اۋرۋلاردان بولاتىن ءولىمدى 20%-عا تومەندەتۋگە مۇمكىندىك بەرەدى. اۋىلدىق جەرلەرگە مەديسينالىق كادرلاردى تارتۋ بويىنشا جاڭالىقتار: اۋىلداعى جۇمىسقا ورنالاسۋدى تاڭدايتىن تاپشىلىعى جوعارى بەيىندەر بويىنشا جاس دارىگەرلەر قوسىمشا قارجىلىق ىنتالاندىرۋلار، تۇرعىن ۇيگە جەڭىلدىكتى كرەديتتەر جانە كاسىبي ءوسۋ ءۇشىن مۇمكىندىكتەر الادى.

بۇگىنگى تاڭدا وڭىرلەرگە مەديسينالىق جوعارى وقۋ ورىندارىنىڭ 4148 تۇلەگى جىبەرىلدى، ونىڭ ىشىندە اۋىلدىق ەلدى مەكەندەرگە 1233 دارىگەر ءبولىندى.

بارلىعى 544 تۇلەك الەۋمەتتىك قولداۋ الدى. ەلىمىزدىڭ وڭىرلەرىندە العاش رەت اۋىلداعى 89 دارىگەر، ونىڭ ىشىندە اكۋشەر-گينەكولوگتار، انەستەزيولوگتار-رەانيماتولوگتار، حيرۋرگتار 100 ەتج نەمەسە 8،5 ملن تەڭگە مولشەرىندە ءبىرجولعى تولەمدەرمەن قامتاماسىز ەتىلدى.

اۋىلدىق دەنساۋلىق ساقتاۋدى جاقسارتۋ جونىندەگى كەشەندى ءتاسىلدىڭ ناتيجەسىندە قازاقستاندا سوڭعى 5 جىلدا سىرقاتتانۋشىلىق كورسەتكىشى 12،9%-عا، ونىڭ ىشىندە قالا حالقىندا 15،1%-عا جانە اۋىل حالقىندا 9،3%-عا تومەندەدى.
انا مەن بالا دەنساۋلىعىن ساقتاۋ سالاسىنداعى جوعارى تەحنولوگيالىق مەديسينا بويىنشا ءبىرقاتار جوبالار بۇكىل ەل بويىنشا اۋقىمدى.

«ءبىر كۇندىك كلينيكالار» جوباسى جۇكتى ايەلدەردى پرەناتالدىق دياگنوستيكالاۋدىڭ يننوۆاسيالىق ادىستەرىنىڭ قولجەتىمدىلىگىن جانە تۋا بىتكەن اقاۋلارى مەن حروموسومالىق پاتولوگياسى بار بالانىڭ تۋۋ ءقاۋپىن ۋاقتىلى انىقتاۋدى، «ءبىر تەرەزە» قاعيداتى بويىنشا قىزمەتتەردىڭ جوعارى ساپاسىن، 1 كۇننىڭ ىشىندە زەرتتەۋدىڭ جىلدام جانە ءدال ناتيجەلەرىن الۋدى قامتاماسىز ەتەدى.

قازاقستاندا العاش رەت «فەتالدىق مەديسيناسى» جوباسى ىسكە قوسىلىپ، 20 جاتىرىشىلىك وپەراسيا ءساتتى جۇرگىزىلدى. بۇل تەحنولوگيالار ۇرىقتىڭ ەرتە پاتولوگيالىق جاعدايلارىن از ءينۆازيۆتى ەمشارالار ارقىلى تۇزەتۋگە جانە ەمدەۋگە ارنالعان. ولار بالالاردىڭ اراسىندا مۇگەدەكتىكتىڭ الدىن الۋ ماقساتىندا اۋىل تۇرعىندارىنا قولجەتىمدى بولادى.

اۋىلدار مەن قالالاردىڭ تۇرعىندارى ءۇشىن دەنساۋلىق ساقتاۋدا تەڭ جاعداي جاساۋ ۇلتتىق جوبانىڭ نەگىزگى ۆەكتورى بولىپ تابىلادى.