تۇركىستان وبلىسىنىڭ سايرام اۋدانىن ەل تۇرعىندارى اۋىلشارۋاشىلىعى، ونىڭ ىشىندە ەت، ءسۇت، مال شارۋاشىلىقتارى دامىعان ءوڭىر رەتىندە جاقسى تانيدى. ءقازىردىڭ وزىندە اۋداندا وندىرىلگەن ەت پەن بورداقىلانعان ءىرى قارالار سوناۋ يرانعا، اۋعانستانعا، وزبەكستان مەن رەسەيگە جونەلتىلىپ جاتىر.
مىنە، وسىناۋ جەتىستىكتەردىڭ بارلىعى اۋداندا تۇرىپ جاتقان، بىرلىگى مەن تىرلىگى جاراسقان حالىقتىڭ تىنىمسىز ەڭبەگىنىڭ ارقاسى. ەڭبەك ەلەنبەي قالمايدى.
سونىڭ ءبىر ايعاعى بولسا كەرەك، اعىمداعى جىلدىڭ 20 قاراشاسى كۇنى تۇركىستان قالاسىندا وتكىزىلگەن وبلىستىق اۋىل شارۋاشىلىعى قىزمەتكەرلەرىنىڭ كاسىبي مەرەكەسى «اگروفەست-2018» مەرەكەلىك ءىس-شاراسىندا جىل قورتىندىسىمەن سايرام اۋدانى ەت ءوندىرۋ بويىنشا I – ورىن، مال شارۋاشىلىعى ونىمدەرىن ەكسپورتتاۋدان I – ورىن جانە اگروونەركاسىپ كەشەنىنىڭ دامۋ باعدارلاماسى كورسەتكىشتەرىن ورىنداۋدان III – ورىندى يەمدەندى. جەكە نوميناسيالار بويىنشا «نۇر كول» ج ش س استىق وندىرۋدەن جانە «مانكەنتاگرو» اۋىلشارۋاشىلىق وندىرىستىك كووپەراتيۆى كوكونىس وندىرۋدەن وبلىس بويىنشا ۇزدىك اتاندى.
Dalanews.kz
