«اۋىل» پارتياسىنىڭ باعدارلاماسى جاتتاندى، قۇرعاق ۋادەدەن ادا – كانديدات

Dalanews 27 اقپ. 2023 04:06 340

«اۋىل» پارتياسىنان ءماجىلىس دەپۋتاتتىعىنا كانديداتتار اقمولا وبلىسى قوسشى قالاسىندا اۋىلىندا ينكليۋزيۆتى قوعام وكىلدەرىمەن كەزدەسۋ وتكىزدى، – دەپ حابارلايدى Dalanews.kz.

شاراعا «اۋىل» پارتياسىنان كانديداتتار تاڭساۋلە سەرىكوۆ، اناس باققوجايەۆ، قايرات ايتۋعانوۆ، ءىلياس دوسحوجايەۆ، نيكولاي ارسيۋتين، سۆەتلانا پروكوپيەۆا، قۋانىش سەيىتجانوۆ جانە ايدار ساتتاروۆ قاتىستى.

كەزدەسۋ قوسشى قالاسىندا، نەگىزىنەن، ينكليۋزيۆتى باعىتتا ءوتتى.

ەرەكشە قاجەتتىلىگى بار تۇلعالاردىڭ قۇقىقتىق، الەۋمەتتىك جاعدايى تالقىلاندى. جيىن تۇزدىعى اۋىلدا تۇراتىن مۇگەدەك جانداردىڭ جاعدايى، ولاردىڭ ورتا، جوعارعى ءبىلىم الۋى مۇمكىندىگى بولدى. جينالعاندار الدىندا ءسوز العان ءماجىلىس دەپۋتاتتىعىنا ءتۇسۋشى ەرەكشە قاجەتتىلىگى بار كانديدات، PhD دوكتور تاڭساۋلە سەرىكوۆ ءوز ومىرىنەن مىسالدار كەلتىرە وتىرىپ، جيىنعا قاتىسۋشىلاردى «اۋىل» پارتياسىنا داۋىس بەرۋگە شاقىردى.

– «اۋىل» پارتياسىنا نە ءۇشىن كەلدىم؟ سەبەبى، «اۋىل» پارتياسىنان  جاسىماس جىگەردى كوردىم. ونىڭ ۇستانىمى حالىقتىڭ، اسىرەسە اۋىلدىقتاردىڭ وي-ارمانىمەن، ماقسات-مۇددەسىمەن ۇندەسەدى. پارتيا باعدارلاماسى جاتتاندى قۇرعاق ۋادەدەن ادا. ول اۋىلدىق جەردە كەمىندە 20 جىل جۇمىس ىستەگەن ازاماتتارعا زەينەتاقىنى، وندا تۇراتىن ەرەكشە قاجەتتىلىكتەرى بار بارلىق ازاماتقا الەۋمەتتىك جاردەماقىلاردى ۇلعايتۋ، از قامتىلعاندار مەن الەۋمەتتىك وسال توپتار وكىلدەرى ءۇشىن ازىق-تۇلىك تولەم كارتوچكالارىن ەنگىزۋ تۋرالى ماسەلەگە باستاماشىلىق جاساۋعا ۇمتىلۋ ارقىلى «اۋىل» شوقتىعىن باسقا پارتيالاردان بيىك ۇستايدى.


«ساۋساق بىرىكپەي ينە ىلىكپەيدى» دەمەكشى، ءبىز بىرىكسەك تالاي ىلكىمدى ءىستى جۇزەگە اسىرامىز، تاعدىرلاس باۋىرلارىمىزعا مۇمكىندىك پەن ءۇمىت سىيلايمىز، – دەدى  كانديدات، ق ر عىلىم جانە ءبىلىم ءمينيسترىنىڭ كەڭەسشىسى تاڭساۋلە سەرىكوۆ.

جيىن سوڭىندا ەرەكشە قاجەتتىلىگى بار جانداردان قۇرالعان «قاناتتىلار» تەارتى ءىس-شاراعا قاتىسۋشىلارعا تەاترلاندىرعان كورىنىس قويىپ، مەرەكەلىك كوڭىل كۇي سىيلادى.

كانديداتتار ينكليۋزيۆتى جيىننان كەيىن قوسشى تۇرعىندارىمەن كەزدەسىپ، ۇگىت-ناسيحات جۇمىستارىن جۇرگىزدى. ولارعا «اۋىل» پارتياسىنىڭ سايلاۋداعى باعدارلاماسىن، اتاپ ايتقاندا قالا تۇرعىندارىن اۋىل كاسىپكەرلىگىن ينۆەستيسيالاۋعا تارتۋ، قاجەتتى ەكونوميكالىق ىنتالاندىرۋلار مەن قۇقىقتىق كەپىلدىكتەر بەرە وتىرىپ، «قالالىق» بيزنەستى اۋىلدارعا كوشىرۋ تۋرالى تالداپ ءتۇسىندىردى.

 

 

ۇسىنىلعان
سوڭعى جاڭالىقتار