سىرىاعاش اۋدانىنا قاراستى قۇركەلەس اۋىلدىق وكرۋگتەرىندە 9-11-سىنىپ وقۋشىلارى اعىلشىن ءتىلىن تەرەڭ مەڭگەرۋگە دەن قويعان. ولار «نۇر وتان» پارتيايسى «جاس وتان» جاستار قاناتىنىڭ ۇيىتقى بولۋىمەن قولعا العان «English for Jastar» جوباسى اياسىندا اعىلشىن ءتىلىن مەڭگەرىپ جاتىر.

ەلىمىزدە اعىلشىن ءتىلىن وقىتۋعا ەرەكشە ءمان بەرىلۋدە. بۇل تۇرعىدا «جاس وتان» جاستار قاناتىنىڭ بەلسەندىلەرى جەمىستى جۇمىس جۇرگىزىپ كەلەدى. پارتيا قولعاناتىنا اينالعان قىز-جىگىتتەر تاياۋدا تاعى ءبىر باستامانى قولعا الدى. ناقتىراق ايتساق، ەرىكتىلەر ەلدىمەكەندەردە الەمدىك قاتىناس قۇرالىنا اينالعان ءتىلدى وقۋشىلارعا تەرەڭىرەك ۇيرەتەدى. وسىلايشا، «جاس وتان» جاستار قاناتى مەن «بولاشاق» قاۋىمداستىعى اۋىلدىق مەكتەپتەردىڭ وقۋشىلارىن اعىلشىن تىلىنە وقىتۋ جونىندەگى پارتيالىق «English for Jastar» جوباسىن ءساتتى باستادى.

باستى ماقسات – وقۋشىلاردىڭ اعىلشىن ءتىلىن مەڭگەرۋ دەڭگەيىن ارتتىرۋعا جانە قارىم-قاتىناس ماشىعىن جاقسارتۋعا كومەكتەسۋ. «English for Jastar» جوباسىنىڭ شەڭبەرىندە اۋدانداعى سارىاعاش اۋدانى قۇركەلەس اۋىلدىق وكرۋگتەرىندە 9-11-سىنىپ وقۋشىلارىنا ارنالعان تەگىن فاكۋلتاتيۆتىك كۋرستاردى بىلىكتى اعىلشىن ءتىلى ماماندارى جاستارعا ءبىلىم بەرىپ كەلەدى. جوبانىڭ بارىسىن اۋداندىق «جاس وتان» جق ءتوراعاسى ن.وتاروۆ ءبىلىم الىپ جاتقان جاستارمەن كەزدەسىپ، ءوز ويلارىمەن ءبولىستى. جاستاردىڭ قىزىعۋشىلىعى ارتۋدا.

جالپى، پارتيالىق «English for Jastar» جوباسى اياسىندا 141 ەرىكتى 20 قىركۇيەك پەن 20 قاراشا ارالىعىندا اۋىل بالالارىمەن جۇمىس ىستەپ، ولاردىڭ اعىلشىن تىلىندە سويلەۋ داعدىلارىن دامىتۋمەن اينالىسادى. جوبا قازاقستاننىڭ 84 اۋىلدىق ايماقتارى مەن اۋدان ورتالىقتارىنداعى 7000-نان استام بالانى قامتيدى. بۇل ەلباسىنىڭ قازاقستاندا اعىلشىن تىلىنە وقىتۋ جانە ءۇشتىل­دىلىكتى دامىتۋ باعدارلاماسىنا قوساتىن پارتيا­لىق ۇلەسى بولماق.

 

«Dalanews» اقپارات