سولتٷستٸك قازاقستان وبلىسىندا اۋىل ەكٸمٸنٸڭ عيمارات ٸشٸندە ٸشكيٸم ساتۋىنا رۇقسات بەرگەنٸ ٷشٸن تەرتٸپتٸك جاۋاپكەرشٸلٸككە تارتىلعانى بەلگٸلٸ بولدى. انىعى – ەكٸمدٸك عيماراتىندا پوشتاشى بولىپ جۇمىس ٸستەيتٸن كٶپ بالالى اناعا شۇلىق پەن ٸشكيٸم ساتۋعا مٷمكٸندٸك بەرگەنٸ ٷشٸن ەكٸم جازالانعان, دەپ حابارلايدى Dalanews.kz.
پروكۋراتۋرا تەكسەرٸسٸنەن كەيٸن ٸس قوزعالدى
Tengrinews.kz مەلٸمەتٸنشە, سقو ەتيكا كەڭەسٸنٸڭ حاتشىلىعى اقجار اۋدانى پروكۋراتۋراسىنىڭ ماتەريالدارىنا سٷيەنٸپ, قىزمەتتٸك تەرگەۋ جٷرگٸزگەن. تەكسەرٸس نىسانى – اقجار اۋدانى كٸشٸ قاراوي اۋىلدىق وكرۋگٸنٸڭ ەكٸمٸ بوتاگٶز سابيروۆا بولدى.
كەڭەس وتىرىسىندا ايتىلعانداي, بوستاندىق اۋىلىنداعى بٸر قاباتتى ەكٸمدٸك عيماراتىندا كٸتاپحانا, ۋچاسكەلٸك پوليتسەي, ۆەتەرينار جەنە پوشتاشىنىڭ كابينەتتەرٸ ورنالاسقان. پروكۋراتۋرا پوشتاشىنىڭ زاڭ تالاپتارىنا قايشى تٷردە ساۋدامەن اينالىسقانىن, ياعني بالالار كيٸمٸ, شۇلىق جەنە ٸشكيٸم ساتقانىن انىقتادى.
«كٸشٸ قاراوي اۋىلدىق وكرۋگٸ ەكٸمٸنٸڭ اپپاراتى ورنالاسقان كمم عيماراتىندا پوشتا قىزمەتكەرٸ زاڭسىز تٷردە تاۋارلىق-ماتەريالدىق قۇندىلىقتارمەن ساۋدا جٷرگٸزگەن», – دەدٸ سقو مەملەكەتتٸك قىزمەت ٸستەرٸ دەپارتامەنتٸنٸڭ مەملەكەتتٸك قىزمەت سالاسىنداعى باقىلاۋ باسقارماسىنىڭ باس مامانى ەسەمگٷل بەگالينا.
پوشتاشىعا ايىپپۇل سالىندى
بەگالينانىڭ ايتۋىنشا, پوشتاشى 24 سەۋٸردە ەقبتك-نٸڭ 204-بابى (بەلگٸلەنبەگەن جەردە ساۋدا جاساۋ) بويىنشا ەسكەرتۋ تٷرٸندە ەكٸمشٸلٸك جاۋاپقا تارتىلعان. ال 12 مامىردا اقجار اۋداندىق سوتى ونى 463-باپ (تٸركەۋسٸز نەمەسە رۇقساتسىز قىزمەتپەن اينالىسۋ) بويىنشا كٸنەلٸ دەپ تاۋىپ, 58 980 تەڭگە ايىپپۇل سالعان.
ەكٸم كٸنەسٸن مويىندادى
قىزمەتتٸك تەرگەۋ كەزٸندە ەكٸم بوتاگٶز سابيروۆا كٸنەسٸن مويىنداپ, جاعدايدى تٷسٸندٸردٸ. ول 2024 جىلدىڭ 3 جەلتوقسانىندا قىزمەتكە كەلگەنٸن, كەيٸن عيماراتتاردى تٷگەندەۋ كەزٸندە پوشتاشىنىڭ ساۋدا جاساپ جٷرگەنٸن بٸلگەنٸن ايتتى. الايدا ول ەيەلگە جاناشىرلىق تانىتىپ, ساۋدانى توقتاتپاعان.
«وندا بار بولعانى بەس شارشى مەتر عانا جەر بار, تٸپتٸ ساۋدا جاساۋعا لايىق ەمەس. يە, بالالار كيٸمٸ, شۇلىق, ٸشكيٸم ساتىلعان. پوشتاشىنىڭ تٶرت بالاسى بار, كٷيەۋٸ مەحانيزاتور بولىپ ماۋسىمدىق جۇمىس ٸستەيدٸ. ەيەلدٸڭ ايلىعى بار بولعانى 40 مىڭ تەڭگە», – دەدٸ ەكٸم.
قاتاڭ جازا قارالسا دا, جەڭٸل جازا قولدانىلدى
زاڭسىز تابىس تابۋعا جاعداي جاساعانى ٷشٸن ەكٸمگە قىزمەتكە تولىق سەيكەس ەمەستٸگٸ تۋرالى ەسكەرتۋ نە قىزمەتٸنەن بوساتۋ جازاسى قولدانىلۋى مٷمكٸن ەدٸ. الايدا ەتيكا كەڭەسٸ ەكٸمنٸڭ جاعىمدى سيپاتتامالارىن جەنە ادامگەرشٸلٸك فاكتورىن ەسكەرٸپ, جەڭٸل جازا ۇسىندى.
«ەكٸم تۋرالى جاقسى پٸكٸر كٶپ, جاعىمدى سيپاتتاما بەرٸلگەن. سونىمەن قاتار, بۇل جەردە ادامدىق فاكتور دا بار – تٶرت بالانىڭ اناسى قوسىمشا تابىس تابۋعا تىرىسقان. دەگەنمەن مەملەكەتتٸك قىزمەتكەر زاڭدى بۇزدى جەنە كٸنەسٸن مويىندادى. سوندىقتان تولىق ەمەس قىزمەتتٸك سەيكەستٸك تۋرالى ەسكەرتۋ بەرۋمەن شەكتەلۋدٸ ۇسىنامىز», – دەدٸ كەڭەس مٷشەلەرٸ.
كەڭەس قورىتىندىسى بويىنشا, بارلىق مٷشەلەر بٸراۋىزدان ەسكەرتۋ بەرۋ تۋرالى شەشٸم قابىلدادى.
