استانادا ٸسكە اسىرىلىپ جاتقان LRT جوباسى قالالىق كٶلٸك ينفراقۇرىلىمىن دامىتۋعا جەنە جولاۋشىلار تاسىمالىنىڭ ساپاسىن ارتتىرۋعا باعىتتالعان زاماناۋي جەڭٸل رەلستٸ كٶلٸك جٷيەسٸ بولادى, دەپ حابارلايدى dalanews.kz.
LRT جٷيەسٸ حالىقارالىق قاۋٸپسٸزدٸك, تۇراقتىلىق جەنە جايلىلىق ستاندارتتارىنا سەيكەس سالىنعان. جوبا ەستاكادالىق فورماتتا جٷزەگە اسىرىلدى, ياعني پويىزدار اۆتوموبيل جولدارى مەن جاياۋ جٷرگٸنشٸلەر اعىنىمەن قيىلىسپاي, تولىق وقشاۋلانعان باعىتتا قوزعالادى.
LRT جەلٸسٸنٸڭ جالپى ۇزىندىعى 22,4 شاقىرىمدى قۇرايدى. باعىت نۇرسۇلتان نازارباەۆ حالىقارالىق ەۋەجايىنان باستالىپ, قابانباي باتىر داڭعىلى, «استانا جۇلدىزى» ستەلاسى, Mega Silk Way ساۋدا ورتالىعى, بوتانيكالىق باق, Abu Dhabi Plaza كەشەنٸ, مينيسترلٸكتەر ٷيٸ, ارىس كٶپٸرٸ, قالداياقوۆ كٶشەسٸ, ۇلتتىق مۋزەي جەنە «نۇرلى جول» تەمٸرجول ۆوكزالى ارقىلى ٶتەدٸ.
جٷيەنٸڭ جۇمىس ۋاقىتى كٷن سايىن ساعات 06:00-دەن 23:00-گە دەيٸن بولادى.
جوبا اياسىندا ەسٸل ٶزەنٸ ارقىلى اسپالى كٶپٸر دە سالىنعان. كٶپٸردٸڭ ۇزىندىعى 155 مەتر, ەنٸ 14 مەتر, ال بيٸكتٸگٸ 28 مەتردٸ قۇرايدى. اركا تٷرٸندەگٸ كونسترۋكتسييا ارنايى قاتايتقىشتارمەن جابدىقتالعان.
LRT جٷيەسٸندە بارلىعى 18 ستانسا بولادى. ونىڭ 11-ٸ جەردەگٸ ستانسا, 7-ٸ جەر ٷستٸ ستانساسى رەتٸندە سالىنعان.
جەردەگٸ ستانسالار قاتارىنا ەۋەجاي, اتامەكەن, ەسٸل, مەڭگٸلٸك ەل, استانا جۇلدىزى, نۇرا, ۋنيۆەرسيتەت, ۇلى دالا, استانا ارەنا, جەكپە-جەك سارايى جەنە سىعاناق كٸرەدٸ.
ال جەر ٷستٸ ستانسالارى بەيتەرەك, مينيسترلٸكتەر ٷيٸ, ۇلتتىق مۋزەي, تەاتر, مىڭجىلدىق اللەياسى, جٸبەك جولى جەنە نۇرلى جول دەپ اتالادى.
استانا ەكٸمدٸگٸنٸڭ قاۋلىسىنا سەيكەس بارلىق ستانساعا رەسمي نٶمٸرلٸك اتاۋلار دا بەرٸلگەن. مىسالى, 101 — ەۋەجاي, 112 — بەيتەرەك, 118 — نۇرلى جول.
بارلىق ستانسالار قاۋٸپسٸزدٸك پەن قولجەتٸمدٸلٸك تالاپتارىنا ساي جابدىقتالعان. ٸشٸندە اۆتوماتتاندىرىلعان جٷيەلەر, كٷتۋ زالدارى, سانيتارلىق توراپتار, ساۋدا ايماقتارى, ەسكالاتورلار مەن ليفتٸلەر قاراستىرىلعان. موبيلدٸگٸ تٶمەن ازاماتتارعا ارنالعان ارنايى جاعداي جاسالادى.
LRT-دە جابىق تٶلەم جٷيەسٸ ەنگٸزٸلەدٸ. جولاۋشىلار پلاتفورماعا تەك جول اقىسىن تٶلەگەننەن كەيٸن عانا كٸرە الادى.
تٶلەم بٸرنەشە تەسٸلمەن جٷزەگە اسىرىلادى:
– FacePay ارقىلى بەت بيومەتريياسىمەن;
– ارنايى LRT كٶلٸك كارتاسىمەن;
– Visa جەنە MasterCard كارتالارى ارقىلى;
– Apple Pay جەنە Samsung Pay سەرۆيستەرٸمەن;
– HalykBank پەن KaspiBank QR-كودتارى ارقىلى;
– بٸر رەتتٸك بيلەتپەن.
LRT كٶلٸك كارتاسىنىڭ باعاسى 1000 تەڭگە, ال اتاۋلى كارتا 1200 تەڭگە تۇرادى.
7 مەن 18 جاس ارالىعىنداعى وقۋشىلارعا, سونداي-اق جەڭٸلدٸك ساناتىنداعى استانا تۇرعىندارىنا جول جٷرۋ تەگٸن بولادى.
جٷيەدە جالپى سانى 19 پويىز قۇرامى پايدالانىلادى. ونىڭ 15-ٸ تۇراقتى جەلٸدە, 4-ەۋٸ رەزەرۆتە تۇرادى.
ەر قۇرامنىڭ ۇزىندىعى 60 مەتر, بيٸكتٸگٸ 3,8 مەتر, ەنٸ 2,8 مەتر بولادى. پويىزداردىڭ پايدالانۋ جىلدامدىعى ساعاتىنا 60 شاقىرىم, ال ماكسيمالدى جىلدامدىعى 80 شاقىرىمعا دەيٸن جەتەدٸ.
LRT تولىق اۆتوماتتى رەجيمدە, ماشينيسسٸز جۇمىس ٸستەيدٸ. جٷيە حالىقارالىق GoA4 ستاندارتىمەن جابدىقتالعان. بۇل پويىزدىڭ ٷدەۋٸ, تەجەۋٸ, ەسٸكتٸڭ اشىلىپ-جابىلۋى, دەپوعا كٸرۋٸ جەنە قوزعالىستى باقىلاۋ سەكٸلدٸ بارلىق فۋنكتسييالار اۆتوماتتى تٷردە ورىندالاتىنىن بٸلدٸرەدٸ.
تٶرت سەكتسييالى بٸر قۇرام تولىق جٷكتەمەدە 600-دەن استام جولاۋشى تاسىمالداي الادى.
پويىزداردا اليۋمينيي قورىتپاسىنان جاسالعان بٶلشەكتەر, سەرپٸمدٸ دوڭعالاقتار, كٶپ قاباتتى تەرەزەلەر جەنە جوعارى بەرٸكتٸ ورگانوسيليكاتتى بىلعارى ورىندىقتار قولدانىلادى.
ەر قۇرامدا LCD مونيتورلار, سىرتقى جەنە ٸشكٸ تابلولار, تٶتەنشە اقپارات جٷيەلەرٸ, داۋىس زورايتقىشتار, ٶرت سٶندٸرگٸشتەر جەنە مٷگەدەكتەر ارباسىنا ارنالعان ارنايى ورىندار قاراستىرىلعان.
ورىندىقتار كٶك جەنە قىزعىلت سارى تٷستە جاسالعان. ديزاين ۇلتتىق ستيل ەلەمەنتتەرٸمەن بەزەندٸرٸلگەن.
LRT پويىزدارى 750 ۆولتتىق بايلانىس رەلستەرٸ ارقىلى جۇمىس ٸستەيدٸ. بٸر قۇرام جٷكتەمەگە بايلانىستى 750-دەن 1000 ۆ-قا دەيٸن ەنەرگييا تۇتىنادى.
پلاتفورمالاردا جولاۋشىلاردى رەلسكە تٷسٸپ كەتۋدەن قورعايتىن ارنايى سوققىعا تٶزٸمدٸ ەينەك ەسٸكتەر ورناتىلادى. ولار پويىز ەسٸكتەرٸمەن سينحروندى تٷردە اشىلادى.
پلاتفورمانىڭ ۇزىندىعى 70 مەتر بولادى. تۋرنيكەتتەردٸڭ ٶتكٸزۋ قابٸلەتٸ ساعاتىنا 1200 ادامعا دەيٸن جەتسە, اۆتوماتتاندىرىلعان كاسسالار ساعاتىنا 300 ادامعا قىزمەت كٶرسەتە الادى.
LRT جولدارى حالىقارالىق ستاندارتقا ساي 1435 مم جولتاباندا سالىنعان. جٷيەدە جٸكسٸز رەلستەر تەحنولوگيياسى قولدانىلعان. بۇل قوزعالىس كەزٸندەگٸ شۋدى ازايتىپ, جايلىلىقتى ارتتىرۋعا مٷمكٸندٸك بەرەدٸ.
سونىمەن قاتار DTVII2-1 يننوۆاتسييالىق رەلس بەكٸتۋ جٷيەسٸ پايدالانىلادى. ول شۋ دەڭگەيٸن 5-10 دب-گە دەيٸن تٶمەندەتەدٸ.
LRT دەپوسى حالىقارالىق ەۋەجاي ماڭىنداعى 16,84 گەكتار اۋماقتا ورنالاسقان. دەپونىڭ جالپى اۋماعى شامامەن 80 مىڭ شارشى مەتردٸ قۇرايدى.
كەشەندە ۆاگون جۋۋ عيماراتتارى, جٶندەۋ ايماقتارى, قويمالار, ارنايى تەحنيكا جەنە قىزمەتكەرلەردٸ وقىتۋ ورتالىقتارى بولادى.
سونداي-اق دەپو اۋماعىندا بٸرىڭعاي ديسپەتچەرلٸك ورتالىق قۇرىلعان. وندا LRT قوزعالىسىن باقىلاۋ, جول قوزعالىسىن باسقارۋ, ينتەللەكتۋالدى كٶلٸك جٷيەلەرٸ جەنە قوعامدىق كٶلٸكتٸ مونيتورينگتەۋ جٷيەلەرٸ ورنالاسادى.
LRT قىزمەتكەرلەرٸنٸڭ فورماسى ارنايى ديزاين-كودپەن ەزٸرلەنگەن. كيٸم ٷلگٸلەرٸندە ۇلتتىق ويۋ-ٶرنەكتەر قولدانىلىپ, اشىق كٶك, سۇر جەنە قويۋ كٶك تٷستەر پايدالانىلعان.
اۋديواقپاراتتاندىرۋ قازاق, ورىس جەنە اعىلشىن تٸلدەرٸندە جٷرگٸزٸلەدٸ. حابارلاندىرۋلاردى قازاقستاندىق ەنشٸ ەرٸ كومپوزيتور كارينا ابدۋللينا دىبىستاعان.
LRT جٷيەسٸندە قاۋٸپسٸزدٸككە ەرەكشە نازار اۋدارىلعان. بارلىق جەلٸ بويىندا بەينەباقىلاۋ ورناتىلادى. سونىمەن قاتار تٶمەن تەمپەراتۋرادا جۇمىس ٸستەۋگە ارنالعان ارنايى تەحنولوگييالار ەنگٸزٸلگەن.
جوبا حالىقارالىق GB 14892-2006 جەنە GB 7928-2003 ستاندارتتارىنا سەيكەس سالىنعان. ٸشكٸ شۋ دەڭگەيٸ 75 دبا-دان, ال سىرتقى شۋ 80 دبا-دان اسپايدى.
