الماتى قالاسى اكىمىنىڭ حالىقپەن كەزدەسۋىندە جينالعانداردىڭ ءبىرى كوكمايىس ىقشام اۋدانىنا بۇرىنعى اتاۋىن قايتارۋدى سۇراپ، اكىمگە جۇگىندى.
"وتىنەمىن، اۋداننىڭ بۇرىنعى "دوروجنيك" دەگەن اتاۋىن قايتارۋىڭىزدى سۇرايمىز. كوكمايىس ەمەس، دوروجنيك بولسىن! – دەپ زەينەتكەر ءوزىنىڭ كەڭەستىك جۇيەنىڭ ەلەسىمەن ءومىر سۇرەتىنىن بايقاتتى.
ايتپاقشى، ورىس شالدىڭ جانىنداعى كەيبىرەۋلەر بۇل ۇسىنىستى قولداپ، قول سوققاندار دا بولدى. الايدا اكىم بۇل يدەيانى قولداعان جوق.
– كەيبىرەۋلەردىڭ كەڭەس وداعىنا ساعىنىشپەن قارايتىنىن قول سوعۋىنان اڭعاردىم، اقساقالدىڭ ايتقان ۇسىنىسى ولارعا ۇناسا كەرەك. ءبىراق مەن مۇنىمەن كەلىسپەيمىن، – دەپ دوسايەۆ كەڭەس زامانىن اڭسايتىنداردى ورنىنا قويدى.
