اتىراۋ وبلىسىنداعى جەكەمەنشٸك بالاباقشا ٶكٸلدەرٸ ۆاۋچەرلٸك قارجىلاندىرۋ جٷيەسٸنە كٶشكەننەن كەيٸن مەملەكەتتٸك تٶلەمدەردٸڭ كەشٸگٸپ جاتقانىن مەلٸمدەدٸ, دەپ حابارلايدى dalanews.kz.
قازاقستاننىڭ ٷزدٸكسٸز بٸلٸم بەرۋ قاۋىمداستىعىنىڭ مٷشەسٸ گٷلحان ٶتەگەنوۆانىڭ ايتۋىنشا, 2026 جىلدان باستاپ بارلىق بالاباقشا ۆاۋچەرلٸك جٷيەگە كٶشكەن. بۇرىن قارجىلاندىرۋ بٸلٸم بٶلٸمدەرٸ ارقىلى جٷرگٸزٸلسە, قازٸر بۇل مٸندەت قارجى ورتالىعىنا جٷكتەلگەن.
«2026 جىلدان باستاپ بارلىق بالاباقشا ۆاۋچەرلٸك جٷيەگە كٶشتٸ. بۇرىن قارجىلاندىرۋ بٸلٸم بٶلٸمدەرٸ ارقىلى جٷرگٸزٸلسە, قازٸر قارجى ورتالىعى ارقىلى جٷزەگە اسىرىلادى. كەيبٸر بالاباقشالار سەۋٸر ايىنان بەرٸ تٶلەم العان جوق. بٸزگە قاراجات بٶلٸنگەنشە كٷتۋ قاجەت ەكەنٸ ايتىلىپ وتىر», – دەدٸ ول.
ونىڭ سٶزٸنشە, بٸرقاتار مەكتەپكە دەيٸنگٸ ۇيىمدار اي سايىنعى قارجىلاندىرۋدى ەلٸ العان جوق. سونىمەن قاتار قاڭتار جەنە اقپان ايلارىنا قاتىستى بەرەشەك تە ساقتالىپ وتىر.
سونداي-اق جەكەمەنشٸك بالاباقشا ٶكٸلدەرٸ 2026 جىلدىڭ ەكٸنشٸ جارتىجىلدىعىنا ارنالعان مەملەكەتتٸك سۋبسيدييالاۋ بويىنشا قوسىمشا كەلٸسٸمدەرگە ەلٸ كٷنگە دەيٸن قول قويىلماعانىن ايتتى. ولاردىڭ پٸكٸرٸنشە, بۇل مەكەمەلەردٸڭ جۇمىسىن جوسپارلاۋعا جەنە قىزمەتكەرلەردٸ ساقتاپ قالۋعا كەدەرگٸ كەلتٸرٸپ وتىر.
اتىراۋ وبلىستىق بٸلٸم باسقارماسىنىڭ باسشىسى مارات ەبۋوۆ ۆاۋچەرلٸك جٷيە ەنگٸزٸلگەننەن كەيٸن قارجىلاندىرۋ قارجى ورتالىعى ارقىلى جٷرگٸزٸلەتٸنٸن راستادى.
ونىڭ ايتۋىنشا, قاجەتتٸ قاراجات تولىق كٶلەمدە قاراستىرىلعان, ال تٶلەمدەردٸڭ كەشٸگۋٸ رەسپۋبليكالىق دەڭگەيدەگٸ قارجىلاندىرۋ رەسٸمٸنە بايلانىستى. بيۋدجەت قاراجاتى بەكٸتٸلگەننەن كەيٸن بارلىق تٶلەمدەر اۋدارىلىپ, الاڭداۋعا نەگٸز جوق.
بۇل مەسەلە اتىراۋ وبلىسى كەسٸپكەرلەر پالاتاسى جانىنداعى كەسٸپكەرلەردٸڭ قۇقىقتارىن قورعاۋ جەنە سىبايلاس جەمقورلىققا قارسى ٸس-قيمىل جٶنٸندەگٸ كەڭەستە دە قارالدى. تالقىلاۋ قورىتىندىسى بويىنشا مەملەكەتتٸك ورگاندار, «اتامەكەن» ۇكپ, سالالىق قاۋىمداستىقتار جەنە جەكەمەنشٸك مەكتەپكە دەيٸنگٸ ۇيىمدار ٶكٸلدەرٸنٸڭ قاتىسۋىمەن جۇمىس توبىن قۇرۋ ۇسىنىلدى.
