اتىراۋدا ينتەرنەت-الاياقتارعا ٶز بانك شوتىن اقىلى تٷردە پايدالانۋعا بەرگەن 63 جاستاعى ەر ادام قىلمىستىق جاۋاپكەرشٸلٸككە تارتىلدى, دەپ حابارلايدى dalanews.kz.
Polisia.kz مەلٸمەتٸنشە, 2025 جىلدىڭ كٷزٸندە ەر ادام ەلەۋمەتتٸك جەلٸدەن جالعان ينۆەستيتسييالىق جوبا تۋرالى جارنامانى كٶرٸپ, جەكە دەرەكتەرٸن قالدىرعان. كەيٸن ٶزدەرٸن قارجى ۇيىمىنىڭ قىزمەتكەرٸ رەتٸندە تانىستىرعان بەلگٸسٸز ادامدار وعان اقشا وپەراتسييالارىن جٷرگٸزۋ ٷشٸن بانك شوتىن اشۋعا كەڭەس بەرگەن.
2025 جىلعى 18 قاراشادا ونىڭ ەسەپشوتىنا الاياقتاردىڭ قۇربانى بولعان اقتٶبە تۇرعىنىنان 300 مىڭ تەڭگە تٷسكەن. ەر ادام اقشانىڭ بٸر بٶلٸگٸن ٶزٸندە قالدىرىپ, قالعانىن كٷدٸكتٸلەر كٶرسەتكەن باسقا شوتتارعا اۋدارعان.
سوت بارىسىندا ايىپتالۋشى كٸنەسٸن تولىق مويىنداپ, بۇعان دەيٸن ٶزٸ دە وسىنداي «ينۆەستيتسييالىق جوبالاردىڭ» كەسٸرٸنەن شامامەن 400 مىڭ تەڭگەسٸنەن ايىرىلعانىن ايتقان.
سوت ونى قىلمىستىق كودەكستٸڭ 232-1-بابى 1-بٶلٸگٸ بويىنشا — ٷشٸنشٸ تۇلعالارعا پايدا تابۋ ماقساتىندا بانك شوتىن بەرگەنٸ ٷشٸن كٸنەلٸ دەپ تانىدى. وعان 20 ايلىق ەسەپتٸك كٶرسەتكٸش كٶلەمٸندە ايىپپۇل سالىندى. سونىمەن قاتار جەبٸرلەنۋشٸلەرگە ٶتەماقى قورىنا مٸندەتتٸ تٶلەم ٶندٸرٸلدٸ.
پوليتسييا بانك كارتالارىن, ەسەپشوتتاردى جەنە جەكە دەرەكتەردٸ بٶگدە ادامدارعا بەرۋ قىلمىستىق جاۋاپكەرشٸلٸككە ەكەلۋٸ مٷمكٸن ەكەنٸن ەسكەرتتٸ. قۇقىق قورعاۋ ورگاندارىنىڭ مەلٸمەتٸنشە, «جەڭٸل تابىس» ۇسىناتىن سحەمالاردى الاياقتار ٶزگەنٸڭ اقشاسىن قولما-قول اقشاعا اينالدىرۋ ٷشٸن جيٸ پايدالانادى.
