اتۋ ستۋدەنتتەرىنىڭ بالالىق ارماندارىنا قول جەتكىزۋگە وسىنداي كەرەمەت مۇمكىندىك تۋدى. ولاردىڭ ءارقايسى سوزبەن جەتكىزە المايتىن قۋانىشقا، جارقىن اسەرگە، جايدارلى جانتولعانىسقا بولەندى. ارينە، بۇنىڭ ءبارى قالىپتى، سەبەبى «قايرات» فۋتبول كلۋبىن كۇندە كورە بەرمەيدى عوي. اتۋ – كلۋب تاريحىندا فۋتبولشىلارمەن جۇزدەسىپ، ولاردىڭ ومىرلەرىمەن تانىسقان ەكىنشى ۋنيۆەرسيتەت بولىپ تابىلادى.
شەگى كوزگە كورىنبەيتىن ۇلكەن اۋماق، جاتتىعۋلارعا ارنالعان قىسقى جانە جازعى الاڭدار، حاي-تەك ستيلىندەگى عيمارات، ەڭ جاڭا تەحنولوگيالىق جابدىقتارمەن قامتىلعان سپورتتىق جانە قالىپقا كەلتىرۋ زالدارى، جانە سپورتشىلاردى تەز ءارى وڭتايلى قالپىنا كەلتىرۋگە ارنالعان يننوۆاسيالىق قۇرىلعىلار. وسىنىڭ ءبارىن تولىقتىرىپ، سالتاناتتى اجار بەرىپ تۇرعان ەرەكشە پەيزاج دا باستى نازارعا ىلىكپەي قالمادى. اۋماقتى قورشاعان تاۋلار «تابيعي قورشاۋ» سەكىلدى، جەڭىل سامال جەل، كۇمبەز اسپان بۇل توڭىرەكتى ەرەكشە اتموسفەراعا بولەپ تۇر. بۇل كارتينا ءبىر كورگەننەن-اق، ادام جادىندا ءبىرازعا دەيىن ساقتالاتىنى ءسوزسىز.
بۇل ەستەتيكالىق كورىنىستەردەن بولەك، تانىمال فۋتبولشىلاردىڭ جاتتىعۋلارىن تاماشالاۋ مۇمكىندىگى ءتيدى. مىنە ۋگو سيلۆەير شابۋىلعا شىقتى، ونىڭ دوبىن يساەل باربوزا قاعىپ الىپ، ونى جارتىلاي قورعاۋشى اندرەي ارشاۆينگە تەپتى. ءتىپتى وسىنداي ساق سپورت تۇرىندە مۇقيات تاكتيكانى، ويىن شەبەرلىگى مەن گراسيانى كورۋگە بولادى.
فۋتبوناۋت، ارنايى ءمازىر، ساۋنالار، مونشالار، تەمپەراتۋراسى - 60 جانە -110 دارەجە بولاتىن بولمەلەر، باسسەين، بۇلشىقەتتەردى قالىپقا كەلتىرۋ رەتتەگىشتەرى، جاراقاتتاردان كەيىنگى وڭالتۋ، سونداي-اق ءار ويىنشىنى جەكە دايىنداۋ. وسىلايشا، كەلۋشىلەر الماتى فۋتبول كلۋبى «قايراتتىڭ» تىنىس-تىرشىلىگىن ىشكى جاعىنان كورە الدى. «ءجۇز رەت ەستىگەنشە، ءبىر رەت كور» دەمەكشى، ەڭ دۇرىسى ءوز كوزىڭمەن كورىپ، ەستىپ، تاڭدانىس اسەرىن الۋ.
اتۋ مەديا ورتالىعى
https://dalanews.kz/36115
