الماتىدا اتر 250 Almaty Open سەرياسىنداعى تەننيس ءتۋرنيرىنىڭ ەرلەر اراسىنداعى جۇپتىق سىن جەڭىمپازدارىن ماراپاتتاۋ ءراسىمى ءوتىپ، وعان مەگاپوليس باسشىسى ەربولات دوسايەۆ قاتىستى.
تۋرنير قازاقستان تەننيس فەدەراسياسىنىڭ ۇيىمداستىرۋىمەن جانە الماتى قالاسى اكىمدىگىنىڭ قولداۋىمەن ءوتتى. وعان الەمدىك رەيتينگتىڭ ۇزدىك وتىزدىعىنا كىرەتىن تەننيسشىلەر ب ا ق سىناستى.
الماتى اكىمى ەربولات دوسايەۆ ءۇندىستاننان كەلگەن اردجۋنا كادحە مەن ريتۆيكا ءبولليپالليدىڭ ەرلەر اراسىنداعى جۇپتىق ساناتتاعى جەڭىمپازداردى ماراپاتتاۋ راسىمىنە قاتىستى.
اقتىق سايىستا ولار كولۋمبيالىق نيكولاس باررەنتوس پەن تۋنيستىك سكاندەر مانسۋريدەن باسىم ءتۇستى.
ساعات 15:00-دە الەمنىڭ 26-شى راكەتكاسى رەسەيلىك كارەن حاچانوۆ پەن كانادالىق گابريەل دياللو اراسىنداعى جەكەلەگەن ساناتتاعى فينال باستالدى.
ايتا كەتەيىك، قالا اكىمدىگى تۋرنير كەزىندە جانكۇيەرلەردىڭ ىڭعايلىلىعى ءۇشىن Almaty Arena سپورت كەشەنىنە دەيىن جانە كەرى باعىتتا تەگىن اۆتوبۋستار ۇيىمداستىردى.
Almaty Arena اۋماعىندا ەرەسەكتەر مەن بالالار ءۇشىن تەننيس ماچىنان بولەك قىزىقتى شارالار وتكىزىلدى: ويىن ايماقتارى، فوتوايماقتار، ينستاللياسيالار، اۋە شارى جانە ماچتاردىڭ ونلاين كورسەتىلىمدەرىمەن جابدىقتالعان امفيتەاتر بولدى.
ATP 250 سەرياسىنداعى تۋرنيرلەر الەمنىڭ 30 ەلىندە وتەدى. بۇل ساناتقا كىرەتىن 40 ءتۋرنيردىڭ كەز كەلگەنىندە جەڭىسكە جەتۋ ءۇشىن تەننيسشى ATP رەيتينگى بويىنشا 250 ۇپاي جينايدى.
ءتۋرنيردىڭ نەگىزگى كەستەسىندە قازاقستان اتىنان الەكساندر شيەۆچەنكو، تيموفەي سكاتوۆ، دەنيس ەۆسەيەۆ، بەيبىت جۇقايەۆ قاتىستى. سونداي-اق، ەلدىڭ نامىسىن ميحايل كۋكۋشكين قورعادى.
ATP 250 Almaty Open ءتۋرنيرىنىڭ جۇلدە قورى 1 ميلليون دوللاردان اسادى.
