Almatyda ATR 250 Almaty Open seriiasyndaǵy tennis týrniriniń erler arasyndaǵy juptyq syn jeńimpazdaryn marapattaý rásimi ótip, oǵan megapolis basshysy Erbolat Dosaev qatysty.
Týrnir Qazaqstan tennis federatsiiasynyń uiymdastyrýymen jáne Almaty qalasy ákimdiginiń qoldaýymen ótti. Oǵan álemdik reitingtiń úzdik otyzdyǵyna kiretin tennisshiler baq synasty.
Almaty ákimi Erbolat Dosaev Úndistannan kelgen Ardjýna Kadhe men Ritvika Bollipallidiń erler arasyndaǵy juptyq sanattaǵy jeńimpazdardy marapattaý rásimine qatysty.
Aqtyq saiysta olar kolýmbiialyq Nikolas Barrentos pen týnistik Skander Mansýriden basym tústi.
Saǵat 15:00-de álemniń 26-shy raketkasy reseilik Karen Hachanov pen kanadalyq Gabriel Diallo arasyndaǵy jekelegen sanattaǵy final bastaldy.
Aita keteiik, qala ákimdigi týrnir kezinde jankúierlerdiń yńǵailylyǵy úshin Almaty Arena sport keshenine deiin jáne keri baǵytta tegin avtobýstar uiymdastyrdy.
Almaty Arena aýmaǵynda eresekter men balalar úshin tennis matchynan bólek qyzyqty sharalar ótkizildi: oiyn aimaqtary, fotoaimaqtar, installiatsiialar, áýe shary jáne matchtardyń onlain kórsetilimderimen jabdyqtalǵan amfiteatr boldy.
ATP 250 seriiasyndaǵy týrnirler álemniń 30 elinde ótedi. Bul sanatqa kiretin 40 týrnirdiń kez kelgeninde jeńiske jetý úshin tennisshi ATP reitingi boiynsha 250 upai jinaidy.
Týrnirdiń negizgi kestesinde Qazaqstan atynan Aleksandr Shevchenko, Timofei Skatov, Denis Evseev, Beibit Juqaev qatysty. Sondai-aq, eldiń namysyn Mihail Kýkýshkin qorǵady.
ATP 250 Almaty Open týrniriniń júlde qory 1 million dollardan asady.
