الماتى وبلىسىندا قاماۋعا الىنعان حاسان قاسىمبايەۆتىڭ ىسىنە قاتىستى تىڭ دەرەكتەر پايدا بولدى، دەپ حابارلايدى Dalanews.kz.

وبلىس پوليسياسىنىڭ حابارلاۋىنشا، 2021 جىلدىڭ ماۋسىمىندا ا. ەسىمدى ازاماتتىڭ دەنساۋلىعىنا قاساقانا اۋىر زيان كەلتىرىپ، سول كىسىنى ۇرلادى دەگەن كۇدىكپەن بەس ازامات ۇستالعان.

"ولار الماتى وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى شىعارعان ۇكىم نەگىزىندە سوتتالىپ، ءقازىر جازاسىن باس بوستاندىعىنان ايىرۋ ورىندارىندا وتەپ جاتىر.

جەدەل-تەرگەۋ ءىس-شارالارىنىڭ ناتيجەسىندە، جوعارىدا اتالعان قىلمىستىق ارەكەتتەرگە قاتىسى بار دەگەن كۇدىكپەن 2024 جىلدىڭ 2 قاراشاسىندا قاسىمبايەۆ ۇستالىپ، ۋاقىتشا ۇستاۋ يزولياتورىنا قامالدى. قىلمىستىڭ بارلىق ءمان-جايىن جان-جاقتى، تولىق جانە وبەكتيۆتى تەرگەۋدى قامتاماسىز ەتۋ ءۇشىن تەرگەۋ ارەكەتتەرىنىڭ كەشەنى جالعاسىپ جاتىر"، – دەپ حابارلادى پوليسيا.

ءىس ماتەريالدارى بۇلتارتپاۋ شاراسىن سانكسيالاۋ ءۇشىن سوتقا جىبەرىلدى.

ايتا كەتەيىك،2 قاراشادا تالعارلىق شەرزات بولاتتىڭ ولىمىنەن كەيىن اتى قىزۋ تالقىعا تۇسكەن "حۋتورلىق" حاسان ۇستالعانىن بىرنەشە مەديا حابارلاعان ەدى. 

"چەمودان گوسسەكرەتوۆ" تەلەگرام ارناسىنىڭ مالىمەتىنشە، حاسان قاسىمبايەۆ ۋاقىتشا ۇستاۋ يزولياتورىندا وتىر. الايدا دەرەككوز مالىمەتىنشە، حاسانبايەۆ 2021 جىلى جاساعان قىلمىسى ءۇشىن (دەنساۋلىققا اۋىر زيان كەلتىرۋ ءىسى بويىنشا) ۇستالعان. 

ەسكە سالايىق، بۇعان دەيىن مارقۇم شەرزاتتىڭ ىسىندە “حۋتور” بانداسىنىڭ جەتەكشىسى رەتىندە اتى شىققان حاسان قاسىمبايەۆ قىلمىس جاساعان كۇدىكتىلەردى تانىمايتىنىن جەتكىزدى. 

قاسىمبايەۆ “حۋتورلىقتار” دەگەن قىلمىستىق توپقا ەش قاتىسى جوق ەكەنىن جانە بۇل اقپاراتتىڭ شىندىققا جاناسپايتىنىن العا تارتتى.

“بۇل تەك وسەك-اياڭ، الەۋمەتتىك جەلى قولدانۋشىلارى ويدان شىعارعان جالا. تۇرار رىسقۇلوۆ اۋىلى بۇرىن حۋتور دەپ اتالعان. سوعان بايلانىستى ەلدىڭ ءبارى وسى اتاۋمەن اتاپ كەتكەن. مەن ول جەردەن 2015 جىلى كوشىپ كەتتىم. مەنى نەگە قىلمىستىق توپتىڭ جەتەكشىسى دەپ اتايتىنىن تۇسىنبەيمىن. زاڭدى ەشقاشان بۇزعان ەمەسپىن. سوتتالماعانمىن. ادال جۇمىس ىستەپ جۇرگەن اداممىن”، - دەيدى ول Orda.kz اگەنتتىگىنە بەرگەن سۇقباتىندا.

وسى تۇستا ول مارقۇم شەرزاتتىڭ وتباسىن جانە قىلمىس جاسادى دەپ ايىپتالىپ جاتقان كۇدىكتىلەردى دە تانىمايتىنىن اتاپ ءوتتى.

“بۇل وتە قايعىلى جاعداي. مەن ونىڭ اتا-اناسىنا كوڭىل ايتامىن. بالانى اتا-اناسىنىڭ جەرلەۋى — كەز كەلگەن ادام ءۇشىن اۋىر تراگەديا. مۇندايدى جاۋىڭا دا تىلەمەيسىڭ. مەن شەرزات پەن ونىڭ اتا-اناسىن تانىمايمىن، سەبەبى اۋىلدان 2015 جىلى كوشىپ كەتكەنمىن.

ال قىلمىس جاساعاندار 1998-2000 جىلعى بالالار ەكەن. ولاردى دا بىلمەيمىن. ءبىراق اكە-شەشەلەرىن تانۋىم مۇمكىن”، - دەدى ول.

الايدا “حالىق ايتسا، قالىپ ايتپايدى” دەگەن الەۋمەتتىك جەلى قولدانۋشىلارى اتىشۋلى “حۋتورلىقتارعا” قاتىستى ءتۇرلى پىكىردى جاپپاي جازىپ جاتىر.

“وسىعان سەنەسىڭدەر مە؟ سول تالعاردىڭ مىڭداعان تۇرعىنى وتىرىك ايتىپ وتىر ما، ويلاپ قاراڭدارشى؟! بۇل - 30 جىلدان بەرى قوردالانعان ماسەلە. ەندى كەلىپ بۇكىل ەل قۇلاقتانعان سوڭ قيمىلداپ جاتىر. جەرگىلىكتى قۇقىق قورعاۋ ورگاندارى، اكىمشىلىك، بيلىك وكىلدەرى بىلمەيدى ەمەس... جابۋلى قازان جابۋلى تۇرعان، سوندىقتان وتە-موتە اياعىنا دەيىن ءىستى جەتكىزۋ كەرەك. ال وسىنداي “بايدىڭ بالالارى” باسقا جەردە جوق دەگەنگە دە ەشكىم سەنبەيدى. ءىىم، پروكۋراتۋرا بۇكىل قازاقستاننىڭ 20 ملن حالقى سىزدەردەن ناتيجە كۇتىپ وتىر”، - دەيدى الەۋمەتتىك جەلى قولدانۋشىسى.

تاعى ءبىرى “جەل تۇرماسا، ءشوپتىڭ باسى قيمىلدامايدى”، “ۇيىمداسقان قىلمىستىق توپ بولماسا، جابىرلەنۋشىنىڭ ءۇيىن ورتەپ كەتە مە؟”، “اقساق قوي تۇستەن كەيىن ماڭىرايدى” دەگەن پىكىرلەر قالدىرعان.

بۇعان دەيىن حاسان قاسىمبايەۆ ءوزىنىڭ ار-نامىسى مەن ابىرويىن قورعاۋ ماقساتىندا مارقۇم بالانىڭ اكەسىنە جانە تاعى باسقا تۇلعالارعا قارسى ارىز دايىنداپ، تالعار اۋداندىق سوتىنا تاپسىرعان ەدى. 

حاساننىڭ ايتۋىنشا، ونىڭ اتىنا تاعىلعان ايىپتار مەن قوعامداعى اڭگىمەلەر شىندىققا جاناسپايدى. ول قاراپايىم تۇرمىستىق توبەلەستى ۇيىمداسقان قىلمىستىق توپتاردىڭ اراسىنداعى قاقتىعىس رەتىندە كورسەتۋگە تىرىسىپ جاتىر دەگەن پىكىردە.

كاسىمبايەۆتىڭ پىكىرىنشە، ونى اتىشۋلى قىلمىستىق توپپەن بايلانىستىرۋ نەگىزسىز. الگى ارىزدا ول ەشقاشان كىسى ولتىرۋگە قاتىستى جاستاردى كورمەگەنىن، بىلمەگەنىن جانە ولاردىڭ ارەكەتتەرىنە ەشقانداي قاتىسى جوق ەكەنىن مالىمدەگەن.

حاسان كەز كەلگەن قوعامدىق الاڭدا، ءتىپتى ب ا ق ارقىلى ءوزىنىڭ كىناسىزدىگىن دالەلدەۋگە دايىن ەكەنىن باسا ايتقان. ونىڭ ويىنشا، بۇل وقيعا قاراپايىم تۇرمىستىق جانجال بولعان، ءبىراق ونى ادەيى بۇرمالاپ، ۇلكەن قىلمىستىق استار قوسىپ، ونىڭ اتىنا كىر كەلتىرمەكشى.

بۇعان دەيىن ب ا ق بەتتەرى مەن الەمجەلىدە مارقۇم شەرزات پەن ونىڭ وتباسىنا شابۋىل جاساعان ءبىر توپ بۇزاقىنىڭ "حۋتور" اتتى جەرگىلىكتى باندىمەن بايلانىسى بار دەگەن اقپار تاراعان ەدى. بىرنەشە دەرەككوز توپتىڭ توبە باسىندا حاسان ەسىمدى ازاماتتىڭ تۇرعانىن جازعان.

الماتى وبلىستىق پوليسيا دەپارتامەنتى شەرزاتتىڭ ولىمىنە كۇدىكتى رەتىندە ۇستالعان جەتى ادامنىڭ ۇيىمداسقان قىلمىستىق ەش قاتىسى جوعىن جەتكىزگەن.