اتىراۋدا وبلىستىق بٸلٸم باسقارماسى باسشىسىنىڭ ورىنباسارى ۇستالدى - باق
اق جايىق باسىلىمىنىڭ حابارلاۋىنشا, ول جەنە باسقا دا باسقارما قىزمەتكەرلەرٸ مەملەكەت قارجىسىن جىمقىردى دەپ كٷدٸككە ٸلٸندٸ.
2015 جىلدان 2020 جىلعا دەيٸن باسقارما قىزمەتكەرلەرٸ "الدىن الا كەلٸسٸم بويىنشا ادامدار توبىمەن" اسا ٸرٸ مٶلشەردە بيۋدجەت قاراجاتىن جىمقىرعان. ولار مۇنى باسقارمادا جۇمىس ٸستەمەيتٸن ادامدارعا جالاقىنى زاڭسىز اۋدارۋ ارقىلى جاساعان, بۇدان باسقا قىزمەتكەرلەردٸڭ ٸسساپار شىعىندارىنىڭ سوماسىن اسىرا تٶلەپ, ٸس جٷزٸندە ٶتكٸزٸلمەگەن بٸلٸم بەرۋ ٸس-شارالارىنا تٶلەم جاساعان.
- ازاماتشا ك. ۇستالىپ, اتىراۋ قالالىق پوليتسييا باسقارماسىنىڭ ۋاقىتشا ۇستاۋ يزولياتورىنا قامالدى. قىلمىستىق-پروتسەستٸك كودەكستٸڭ 201-بابىنا سەيكەس, تەرگەۋ مٷددەسٸنە ساي ٶزگە اقپارات جارييا ەتۋگە جاتپايدى, - دەپ حابارلادى قر سىبايلاس جەمقورلىققا قارسى ٸس-قيمىل اگەنتتٸگٸ.
38 جاستاعى كٷدٸكتٸ قۇقىققورعاۋشىلار تەرگەۋ جٷرگٸزٸپ جاتقان كەزەڭدە (2015-2020 ج.ج.) باسقارمادا ەسەپ بٶلٸمٸندە جۇمىس ٸستەگەن, تەك 2020 جىلدىڭ قاراشاسىندا باسقارما باسشىسىنىڭ ورىنباسارى بولعان.
