Atyraýda oblystyq bilim basqarmasy basshysynyń orynbasary ustaldy - BAQ
Aq Jaiyq basylymynyń habarlaýynsha, ol jáne basqa da basqarma qyzmetkerleri memleket qarjysyn jymqyrdy dep kúdikke ilindi.
2015 jyldan 2020 jylǵa deiin basqarma qyzmetkerleri "aldyn ala kelisim boiynsha adamdar tobymen" asa iri mólsherde biýdjet qarajatyn jymqyrǵan. Olar muny basqarmada jumys istemeitin adamdarǵa jalaqyny zańsyz aýdarý arqyly jasaǵan, budan basqa qyzmetkerlerdiń issapar shyǵyndarynyń somasyn asyra tólep, is júzinde ótkizilmegen bilim berý is-sharalaryna tólem jasaǵan.
- Azamatsha K. ustalyp, Atyraý qalalyq politsiia basqarmasynyń ýaqytsha ustaý izoliatoryna qamaldy. Qylmystyq-protsestik kodekstiń 201-babyna sáikes, tergeý múddesine sai ózge aqparat jariia etýge jatpaidy, - dep habarlady QR Sybailas jemqorlyqqa qarsy is-qimyl agenttigi.
38 jastaǵy kúdikti quqyqqorǵaýshylar tergeý júrgizip jatqan kezeńde (2015-2020 j.j.) basqarmada esep bóliminde jumys istegen, tek 2020 jyldyń qarashasynda basqarma basshysynyń orynbasary bolǵan.
