شارادا العاش ءسوز العان باقىتگۇل حامەنوۆا «جاسىل ەل» جاستار ەڭبەك جاساعىنىڭ ماڭىزدىلىعىنا توقتالىپ ءوتتى.
– كەلەشەك ۇرپاققا ەكولوگيالىق ءبىلىم بەرىپ، ولاردى ەڭبەكسۇيگىشتىككە، پاتريوتتىققا، جيناقىلىق پەن تازالىققا تاربيەلەيتىن «جاسىل ەل» باعدارلاماسىنىڭ وسكەلەڭ ۇرپاق ءۇشىن ماڭىزىز زور. وسى ارقىلى قانشاما جاس بوس ۋاقىتىن ءتيىمدى وتكىزىپ، ەلىنە قىزمەت ەتۋدە. جىل سايىن «جاسىل ەلدە» ەڭبەك ەتكىسى كەلەتىن جاستار سانىنىڭ ارتۋى دا كوڭىل قۋانتادى. وڭىرىمىزدە جاستاردى ىلگەرى دامىتۋعا ارنالان جوبالار دا، مۇمكىندىكتەر دە از ەمەس. تەك ونى ءوز كەرەگىنە قاراي دۇرىس پايدالانۋ ءاربىر جاستىڭ قۇزىرىنداعى جۇمىس، – دەدى باقىتگۇل حامەنوۆا.
مۇنان كەيىن وبلىس اكىمىنىڭ ورىنباسارى ماۋسىم بويى بەلسەندىلىك تانىتقان ءبىر توپ جاستى «ۇزدىك جوبا»، «ۇزدىك كوماندير»، «ۇزدىك مەديا مامان»، «ۇزدىك شتاب»، «ۇزدىك جۇمىس بەرۋشى»، «جىل سەرپىنى»، «ۇزدىك سارباز» اتالىمدارىمەن ماراپاتتادى.
ايتا كەتەيىك، اتىراۋ وبلىسىندا سوڭعى بەس جىلدا «جاسىل ەل» جوباسى اياسىندا سەگىز مىڭعا جۋىق جاس جۇمىسپەن قامتىلعان. ال بيىل 1 004 جاس جۇمىسقا تارتىلعان. ونىڭ ىشىندە 294ء-ى وبلىس ورتالىعىنان بولسا، 710 جاس – اۋدانداردان.
ايدىن كاكيموۆ
