سالتاناتتى جيىنعا رەسپۋبليكالىق ارداگەرلەر كەڭەسٸنٸڭ تٶراعاسى باقتىقوجا ٸزمۇحامبەتوۆ, مەملەكەت جەنە قوعام قايراتكەرٸ راۆيل چەرداباەۆ, اقىن حانبيبٸ ەسەنقاراقىزى, قر پارلامەنتٸ سەناتىنىڭ جەنە مەجٸلٸسٸنٸڭ دەپۋتاتتارى عۇمار دٷيسەمباەۆ پەن دٷيسەنباي تۇرعانوۆ, سالا ارداگەرلەرٸ امانگەلدٸ سەلباەۆ پەن عادٸلبەك مۋسين جەنە ٶزگە ٶڭٸرلەردەن كەلگەن سونداي-اق ايماقتىڭ زييالى قاۋىم ٶكٸلدەرٸ قاتىستى.
الدىمەن وبلىس ەكٸمٸ ماحامبەت دوسمۇحامبەتوۆ قر پرەزيدەنٸ قاسىم-جومارت توقاەۆتىڭ قۇتتىقتاۋ حاتىن وقىدى.
– ٶزٸڭٸزدٸ زامانداستارىڭىز ٶمٸر مەكتەبٸندە شىڭدالىپ, ەڭبەگٸمەن قۇرمەتكە بٶلەنگەن قوعام قايراتكەرٸ, ٸسكەر ازامات رەتٸندە جاقسى بٸلەدٸ.
مەسكەۋدەن جوعارى بٸلٸم الىپ, بٸلٸكتٸ مامان اتانىپ, تۋىپ-ٶسكەن ٶڭٸرٸڭٸزدە ۇزاق جىلدار بويى جەمٸستٸ جۇمىس جاسادىڭىز. مۇناي ٶندٸرٸسٸن دامىتۋعا قوسقان ٷلەسٸڭٸز ٶتە مول. سونىمەن قاتار, ساياسي-ەكٸمشٸلٸك قىزمەتتەر اتقارىپ, اتىراۋ قالاسىنىڭ جەنە مۇنايلى ٶلكەنٸڭ ەكونوميكالىق, ەلەۋمەتتٸك جاعدايىنىڭ جاقسارۋىنا بار كٷش-جٸگەرٸڭٸزدٸ ارنادىڭىز.
زەينەتكەرلٸك دەمالىسقا شىققان سوڭ دا, مەملەكەتٸمٸزدٸڭ جان-جاقتى ٶركەندەۋٸنە, ەل ٸشٸندە ىنتىماق پەن تاتۋلىقتىڭ ساقتالىپ, حالىقتىڭ بەرەكە-بٸرلٸگٸنٸڭ ارتا بەرۋٸنە اتسالىسىپ كەلەسٸز. ٶنەگەلٸ ٶمٸرٸڭٸز كەيٸنگٸ جاستارعا ٷلگٸ بولماق, – دەلٸنگەن قۇتتىقتاۋ حاتتا.
ودان سوڭ ايماق باسشىسى ەسەن تاسقىنباەۆتىڭ ٶڭٸر ٷشٸن اتقارعان ەلەۋلٸ ەڭبەگٸن ايتىپ ٶتتٸ.
– ەسەن تاسقىنبايۇلىنىڭ ٶڭٸردٸڭ قوعامدىق-ساياسي, ەكونوميكالىق جاعىنان ٶسٸپ-ٶركەندەۋٸندە ٶزٸندٸك قولتاڭباسى بار. پرورۆا-قاراتون مۇناي قۇبىرىن قىسقا مەرزٸمدە تۇرعىزىپ, مۇناي ٶندٸرۋ جوسپارىن ارتتىرۋداعى ەڭبەگٸن ەمبٸلٸك مۇنايشىلار ەشقاشان ۇمىتپايدى. ەل باسقارۋ سەكٸلدٸ كٷردەلٸ سالادا دا ەسەن تاسقىنبايۇلىنىڭ ەڭبەگٸ زور. اتىراۋ قالاسىن 12 جىل باسقارىپ, قالانى كٶركەيۋٸنە كٷش سالىپ, كٶپتەگەن ەلەۋمەتتٸك مەسەلەلەردٸ شەشتٸ. ەسەن اعانىڭ مول تەجٸريبەسٸ ٶڭٸردٸڭ بارشا ماڭىزدى سالاسىن جاڭا دەڭگەيگە كٶتەردٸ. اتاپ ايتقاندا, ٶندٸرٸس, اۋىل شارۋاشىلىعى, تەمٸر جول سالاسى, ەلەۋمەت, قوعام, بٸلٸم مەن دەنساۋلىق, ساۋدا سەكٸلدٸ باعىتتار جانداندى, – دەگەن ايماق باسشىسى, مەرەيتوي يەسٸنە سىي-قۇرمەت كٶرسەتتٸ.
ٶز كەزەگٸندە سٶز العان رەسپۋبليكالىق ارداگەرلەر كەڭەسٸنٸڭ تٶراعاسى باقتىقوجا ٸزمۇحامبەتوۆ قر پرەمەر-مينيسترٸ ەليحان سمايلوۆتىڭ جەنە قر ەڭبەك جەنە حالىقتى ەلەۋمەتتٸك قورعاۋ مينيسترٸ سەرٸك شەپكەنوۆتٸڭ قۇتتىقتاۋ حاتىن تابىستادى.
جيىندا قر پارلامەنتٸنٸڭ دەپۋتاتتارى ع.دٷيسەمباەۆ پەن د.تۇرعانوۆ سەنات تٶراعاسى مەۋلەن ەشٸمباەۆ پەن مەجٸلٸس تٶراعاسى ەرلان قوشانوۆتىڭ قۇتتىقتاۋ حاتتارىن وقىپ بەردٸ.
ال, مەملەكەت جەنە قوعام قايراتكەرٸ راۆيل چەرداباەۆ مەرەيتوي يەسٸنٸڭ قاجٸرلٸ ەڭبەگٸ مەن ازاماتتىق تۇلعاسىنا توقتالدى.
– ەسەن اعامىز ٶڭٸرٸمٸزدٸڭ مۇناي سالاسىنىڭ دامۋىنا ٶلشەۋسٸز ٷلەس قوستى. وبلىستاعى بٸرنەشە كەن ورىندارىن اشقان وسى تاسقىنبايۇلى. سونىمەن قاتار, بٸرنەشە جىل جاۋاپتى جۇمىستاردى ٶزٸنٸڭ قاجىرلٸ ەڭبەگٸمەن اتقارا وتىرىپ, ازاماتتىق بولمىسىمەن ورتا جيناي بٸلدٸ. وبلىستىڭ ەلەۋمەتتٸك, ەكونوميكالىق جەنە مەدەني ٶركەندەۋٸنە زور ٷلەس قوستى. ونىڭ كەلەلٸ ەڭبەگٸ ەلەنٸپ, جوعارى دەرەجەدەگٸ ناگراتتارمەن ماراپاتتالدى. اعامىزدىڭ قانداي جۇمىس تاپسىرسا دا يگەرٸپ كەتە بەرەتٸن ەرەكشە قاسيەتٸ بار, – دەگەن ول, ەسەن تاسقىنباەۆتىڭ جارى ەرمەك الدييارقىزىنىڭ دا ۇزاق جىلدار ۋنيۆەرسيتەتتە ۇستازدىق ەتٸپ, كٶپتەگەن شەكٸرت تەربيەلەگەنٸن دە ايتىپ ٶتتٸ.
سالتاناتتى جيىندا سالا ارداگەرلەرٸ مەن ٷزەڭگٸلەس ازاماتتار توي يەگەرٸنە بەرەكەلٸ عۇمىر تٸلەسە, اقىن حانبيبٸ ەسەنقاراقىزى جىر شۋماقتارىن ارنادى.
سونداي-اق دوكۋمەنتالدٸ فيلم كٶرسەتٸلٸپ, كونتسەرتتٸك باعدارلاما قاتىسۋشىلار نازارىنا ۇسىنىلدى.
ٸس-شارا سوڭىندا سٶز العان ەسەن تاسقىنباەۆ «ەلٸمٸزدٸڭ ەرتەڭٸ ٷشٸن ٸستەپ جاتقان جۇمىستارىڭىزعا ريزامىز. ال, ماعان كٶرسەتٸلٸپ جاتقان قۇرمەت – ەلدٸڭ الدىنداعى اتقارعان ازاماتتىق بورىشىمنىڭ ەلەنگەنٸ دەپ بٸلەم»,-دەي كەلە بارلىعىنا العىسىن بٸلدٸردٸ.
ايتا كەتەيٸك, ەسەن تاسقىنباەۆ ون ەكٸ جىل قالالىق پارتييا كوميتەتٸنٸڭ بٸرٸنشٸ حاتشىسى, ون جىل بويى وبلىستىق اتقارۋ كوميتەتٸنٸڭ تٶراعاسى بولىپ جۇمىس ٸستەگەن. ول اتىراۋ وبلىسىنىڭ, اتىراۋ قالاسىنىڭ جەنە جىلوي اۋدانىنىڭ «قۇرمەتتٸ ازاماتى». سونداي-اق «وكتيابر رەۆوليۋتسيياسى», «ەڭبەك قىزىل تۋ», «حالىقتار دوستىعى», «پاراسات» جەنە «قۇرمەت» وردەندەرٸنٸڭ يەگەرٸ.
