اتىراۋدا ەلەۋمەتتٸك جەلٸدە كٶپشٸلٸكتٸڭ اشۋىن تۋعىزعان جۇلدىز ساعيدەن ەسٸمدٸ بلوگەردٸڭ ٸسٸ بويىنشا سوت اياقتالدى. ول بٸرنەشە ەر ادامدى ار-نامىسىنا تيەتٸن دٶرەكٸ سٶزدەرمەن قورلاپ, قوعام نارازىلىعىن تۋدىرعان ەدٸ,- دەپ حابارلايدى Dalanews.kz.
ەلەۋمەتتٸك جەلٸگە تاراپ كەتكەن بەينەجازبادا بلوگەر تٷسكٸ ۋاقىتتا دەمحانادا شەي ٸشٸپ وتىرعان ەر ادامداردى "ەيەلگە ۇقسايدى" دەپ كەمسٸتٸپ, ولاردىڭ سىرتقى تٷرٸنە, ٸس-ەرەكەتٸنە جيٸركەنٸش بٸلدٸرگەن.
"مۇندا ساقالدى ەركەكتەر وتىر, ەيەل سيياقتى. تٷرلەرٸ قانداي جيٸركەنٸشتٸ. وسىلاردىڭ ەيەلدەرٸ قالاي عانا شىداپ جٷر ەكەن? تٷسكٸ مەزگٸلدە شەي ٸشٸپ وتىر, بۇلار قاشان جۇمىس ٸستەيدٸ ٶزٸ?" – دەگەن بولاتىن ساعيدەن.
جەلٸ قولدانۋشىلارى بلوگەردٸڭ بۇل ەرەكەتٸن ادامداردى كەمسٸتۋ, نامىسىن تاپتاۋ جەنە جىنىستىق تۇرعىدان الالاۋ دەپ ايىپتادى. زاڭگەرلەر تٸپتٸ بۇل جاعدايدى قىلمىستىق كودەكستٸڭ 131-بابىمەن ("قورلاۋ") قاراۋدى ۇسىنعان. سەبەبٸ بەينەجازبا كٶپشٸلٸككە تاراعان.
دەگەنمەن اتىراۋ تۇرعىنىنىڭ ەرەكەتٸ ەكٸمشٸلٸك قۇقىق بۇزۋشىلىق دەپ باعالانىپ, ەقبتك-نٸڭ 434-بابى ("ۇساق بۇزاقىلىق") بويىنشا قارالدى. سوت ساعيدەننٸڭ كٸنەسٸ دەلەلدەنگەنٸن, بلوگەردٸڭ ٶزٸ دە كٸنەسٸن تولىق مويىنداپ, ٸستەگەن ٸسٸنە ٶكٸنٸپ وتىرعانىن اتاپ ٶتتٸ.
ەكٸمشٸلٸك قۇقىق بۇزۋشىلىق بويىنشا ەدەتتە 20 اەك (78 640 تەڭگە) كٶلەمٸندە ايىپپۇل نەمەسە بەس كٷننەن ون بەس كٷنگە دەيٸن ەكٸمشٸلٸك قاماۋعا الۋ قاراستىرىلعان.
"كٸنەنٸ مويىنداۋى مەن ٸستەگەن ٸسٸنە ٶكٸنۋٸن ەسكەرٸپ, سوت ايىپپۇل كٶلەمٸن 30%-عا ازايتتى. نەتيجەسٸندە بلوگەر 55 048 تەڭگە تٶلەۋٸ تيٸس. ٷكٸم ەزٸرگە زاڭدى كٷشٸنە ەنگەن جوق", – دەپ حابارلادى اتىراۋ وبلىستىق سوتىنىڭ باسپاسٶز قىزمەتٸ.
بۇدان بٶلەك, قوعام بەلسەندٸلەرٸ بلوگەردٸ جول قوزعالىسى ەرەجەلەرٸن بۇزعانى ٷشٸن دە جاۋاپقا تارتۋدى تالاپ ەتٸپ وتىر. ساعيدەن اۆتوكٶلٸك تٸزگٸنٸندە ۆيدەو تٷسٸرگەن كەزدە قاۋٸپسٸزدٸك بەلدٸگٸن تاقپاي, بالا ٶمٸرٸنە قاۋٸپ تٶندٸردٸ دەگەن پٸكٸرلەر دە بار. ەلەۋمەتتٸك جەلٸ قولدانۋشىلارى قازٸر ونىڭ مەنشٸگٸندەگٸ اۆتو-مەكتەپكە بويكوت جارييالاۋدا.
اتىراۋلىقتاردىڭ كٶبٸ بلوگەرگە كەسٸلگەن جازا قوعامدا تۋىنداعان نارازىلىق دەڭگەيٸنە ساي ەمەس دەپ ەسەپتەيدٸ. قارسى تاراپتىڭ ايتۋىنشا, ساعيدەننٸڭ ەرەكەتٸ تۇرمىستىق دٶرەكٸلٸك ەمەس, قوعامعا قاۋٸپ تٶندٸرەتٸن اگرەسسييانىڭ بٸر كٶرٸنٸسٸ. سوندىقتان ولار سوت شەشٸمٸن قايتا قاراۋدى تالاپ ەتۋٸ مٷمكٸن.
