فەستيۆالدە ءتۇرلى ماقساتتى اۋديتوريالارعا، ياعني، اتا-انالار مەن مەكتەپ وقۋشىلارى، جاسوسپىرىمدەر مەن تۇلەكتەر، Sتەام سالاسىنا قىزىعۋشىلىق تانىتىپ جۇرگەن تالىمگەرلەر ءبىلىم بەرۋ سالاسىنىڭ ماماندارىنا ارنالعان 10 تانىمدىق سەكسيا جۇمىس ىستەدى. ەرەكشە اتاپ وتەرلىگى، فەستيۆالعا قاتىسۋشىلار «Integrity» قورىنىڭ كاسىپتىك باعدارلاۋ تەستىلەرىنەن ءوتىپ، «ITeachMe» قق-نان «ينكليۋزياداعى STEAM» سالاسى تۋرالى ءبىلىپ، YEMAA كوپسالالى مادەنيەت ورتالىعى ۇيىمداستىرعان كورمەنى تاماشالاۋ مۇمكىندىگىنە يە بولدى.
«ءبىز قالانىڭ ىنتالى جانە شىعارماشىلىق تۇرعىندارىنىڭ قاۋىمداستىعىن قالىپتاستىرۋ مۇمكىندىگىنە ۇلەس قوسىپ وتىرعانىمىزدى ماقتان تۇتامىز. اباي ورتالىعى ەكى جىل ىشىندە STEAM يننوۆاسيالىق باعدارلامالارىنىڭ ورتالىعىنا، ەكسپەريمەنتتەر، يدەيالار مەن باتىل جاڭالىقتاردىڭ الاڭىنا اينالدى. Abay Gylym Fest فەستيۆالىنە قاتىسۋشىلارىمىزدىڭ اراسىندا بولاشاق تالانتتى عالىمدار، مۋزىكانتتار، مەملەكەت قايراتكەرلەرى مەن مۇعالىمدەر بار ەكەنىنە سەنىمدىمىن. ءبىلىم، عىلىم جانە شىعارماشىلىق مەرەكەسى اتىراۋ ءومىرىنىڭ تۇراقتى بولىگىنە اينالادى دەپ سەنەمىز»، - دەدى «شيەۆرون» كومپانيالارىنىڭ الەۋمەتتىك ينۆەستيسيالار جونىندەگى كەڭەسشىسى لەيلا ايتمۇحانوۆا.
فەستيۆال اياسىندا «KazRobotics» فەدەراسياسىنىڭ ۇيىمداستىرۋىمەن وقۋشىلار، ستۋدەنت جاستار جانە پەداگوگتارعا ارنالعان جارىستار ءوتتى.
سونىمەن قاتار، ءىس-شارا قوناقتارى JasSpace Students STEAM Project Challenge جانە JASSPACE Educators STEAM Project Challenge باعدارلامالارى شەڭبەرىندە جوعارى سىنىپ وقۋشىلارى مەن پەداگوگتاردىڭ يننوۆاسيالىق جوبالارىمەن تانىسا الدى. فەستيۆال اياسىندا وقۋشىلار 40-تان استام جوبانى كەلۋشىلەر نازارىنا ۇسىندى، ولاردىڭ ىشىندە 20-دان استام جوبا JasSpace زەرتحاناسى اياسىندا جاسالدى. مىسالى، ترەنەر اسەل ونداشوۆانىڭ جەتەكشىلىگىمەن «حيميا» كۋرسىنىڭ وقۋشىلارى تەز جانە زيانسىز ىدىرايتىن قايتا پايدالانۋعا بولاتىن باحيلداردى ۇسىندى.
ABAY GYLYM FEST-تە كەلۋشىلەر ءبىلىم بەرۋ سالاسىنداعى تاجىريبەلى ساراپشىلارمەن جانە پىكىر كوشباسشىلارىمەن كەزدەسە الدى. سونىمەن، «ءداستۇر» ءفيلمىنىڭ رەجيسسەرى قۋانىش بەيسەك، قازاقستاندىق تيك-توك جۇلدىزى ۇلان ۇسەنوۆ، پيفاگور مەكتەبىنىڭ نەگىزىن قالاۋشى جانە حالىقارالىق ماتەماتيكتەردىڭ جاتتىقتىرۋشىسى اسان جولداسوۆ جانە تاعى باسقا كورنەكتى سپيكەرلەر ارنايى دارىستەر وقىدى. سپيكەرلەردىڭ تولىق باعدارلاماسىن فەستيۆالدىڭ ۆەب-سايتىنان كورۋگە بولادى.
«ءبىز ABAY GYLYM FEST "JasSpace" جوباسىنىڭ جارقىن جانە قورىتىندى ءىس-شاراسىنا اينالعانىنا قۋانىشتىمىز. جوبامىزدىڭ اياسىندا 2،5 مىڭنان استام ءجاسوسپىرىم 16 STEAM باعدارلاماسى اياسىندا تەگىن كۋرستاردا وقىپ شىقتى، ال 4،5 مىڭعا جۋىق وقۋشى شەبەرلىك ساباقتارىنا، جازعى قارقىندى كۋرستارعا، ءتۇرلى بايقاۋلارعا قاتىستى. ءبىز جەرگىلىكتى "JasSpace" كومانداسىنىڭ كۇش - جىگەرى بۇكىل اتىراۋ وبلىسىنىڭ ءبىلىم بەرۋ سالاسىن جەتىلدىرە تۇسۋگە ۇلكەن سەرپىن بەرەدى دەپ سەنەمىز»، - دەدى ورتالىق ازيانىڭ ەۋرازيا قورى جوبا مەنەدجەرى سالتانات نوعايبالانوۆا.
ەسكە سالا كەتەيىك، «JasSpace» باعدارلاماسى اتىراۋ وبلىسىنىڭ اكىمدىگى، «شيەۆرون» كومپانياسى، اتىراۋ وبلىسىنىڭ ءبىلىم بەرۋ باسقارماسى جانە ورتالىق ازيانىڭ ەۋرازيا قورى اراسىندا قول قويىلعان مەموراندۋم نەگىزىندە جۇزەگە اسىرىلۋدا. ءبىر جارىم جىل ىشىندە JasSpace بازاسىندا 20 جەرگىلىكتى قىزمەتكەردەن تۇراتىن كوماندا قۇرىلىپ، وقىتۋ كۋرستارىنان ءوتتى، 7-11 سىنىپ وقۋشىلارىنا ارنالعان 16 ءبىلىم بەرۋ باعدارلاماسى ازىرلەندى.
