اتىراۋ قۇلسارى قالاسىنىڭ تاعدىرىن قايتالاپ, سۋ استىندا قالۋى مٷمكٸن. بۇل تۋرالى اتىراۋ وبلىسى ەكٸمٸنٸڭ ورىنباسارى جاسۇلان بيسەمبيەۆ ايتتى, دەپ حابارلايدى Dalanews.kz Orda پورتالىنا سٸلتەپ.
قالانى سۋ باسۋ قاۋپٸ ورىنبور مەن ورالدان كەم بولمايدى دەگەن بولجام بار.
«ەرينە, اتىراۋ دايىندالىپ جاتىر. 5 كٷننٸڭ ٸشٸندە جاعالاۋلاردى نىعايتىپ, قورعانىس بٶگەتتەرٸن سالۋعا وبلىستاعى 20 ٸرٸ قۇرىلىس كومپانيياسى مەن التى ٸرٸ مۇناي كومپانيياسى جۇمىلدىرىلدى», - دەدٸ جاسۇلان بيسەمبيەۆ.
جەرگٸلٸكتٸ بيلٸك قاپ, كٷرەك جەنە ينەرتتٸ ماتەريالداردان تۇراتىن قاجەتتٸ قۇرالدار قورىن دا دايىنداپ قويعان.
5 سەۋٸردە يريكلا سۋ قويماسى جايىق ٶزەنٸنە رەكوردتىق كٶلەمدە سۋ جٸبەردٸ. مۇنداي كٶلەمدەگٸ سۋ قالا تاريحىندا بۇرىن-سوڭدى بولماعان.جايىق ٶزەنٸنٸڭ قاۋٸپتٸ ۋچاسكەلەرٸنە 10 شاقىرىمدىق بٶگەت سالىندى. بۇل ٷشٸن 38 مىڭعا جۋىق قۇم سالىنعان قاپ پايدالانىلدى.
ال اتىراۋ قالاسىنىڭ ٸرگەسٸندەگٸ 12 قاۋٸپتٸ اۋماقتا جاعالاۋدى بەكٸتۋ جۇمىستارى جٷرگٸزٸلۋدە. ول جەردە 172 ارنايى تەحنيكا جۇمىس ٸستەپ جاتىر.
«جايىق جاعالاۋىنىڭ ەرەكشە وسال ايماقتارىن نىعايتۋ جۇمىستارى تەۋلٸك بويى جٷرگٸزٸلۋدە. بٸراق بۇل جەتكٸلٸكسٸز دەپ ەسەپتەيمٸز. ورىنبوردان سۋ تاسقىنى تۋرالى ناقتى دەرەكتەر العان جوقپىز. بٸراق 1993 جىلى يريكلا سۋ قويماسىنان جٸبەرٸلەتٸن سۋ كٶلەمٸ تەۋلٸگٸنە 1100 تەكشە مەتر بولعان.
قازٸر ودان كەلەتٸن سۋ تەۋلٸگٸنە 2000 تەكشە مەتردەن استى. سوندىقتان قالا ٸشٸندەگٸ بارلىق قورعانىس بٶگەتتەرٸن كٷشەيتۋٸمٸز كەرەك. ەر شاقىرىمدى ارنايى جۇمىس توبىنا بەكٸتەمٸز», – دەپ تٷيٸندەدٸ بيسەمبيەۆ.
