اتىراۋ وبلىسىندا ۇشقىشسىز ۇشۋ اپپاراتىنا ۇقسايتىن زات تاعى تابىلدى. درون بولشەكتەرى رەسەي شەكاراسىنا جاقىن قۇرمانعازى اۋدانىنداعى دالادا شاشىلىپ جاتقان، دەپ حابارلايدى Dalanews.kz.
جەرگىلىكتى "اقجايىق" باسىلىمىنا اتىراۋ وبلىسىنىڭ پوليسيا دەپارتامەنتى اتالعان فاكتىنى راستادى:
"ۋاكىلەتتى قىزمەتتەرمەن بىرلەسىپ ۇشقىشسىز ۇشۋ اپپاراتىنىڭ فراگمەنتتەرىنە ۇقسايتىن زاتتى تابۋ فاكتىسى بويىنشا تەكسەرۋ ءىس-شارالارى جۇرگىزىلەدى. نىسان دالا ايماعىندا تابىلدى، زارداپ شەككەندەر جوق. وقيعانىڭ بارلىق جاعدايلارى انىقتالادى".
بۇعان دەيىن دە قۇرمانعازى اۋدانىندا 22 ماۋسىمدا قوڭىرتەرەك اۋىلىنىڭ ماڭىندا تۋرا وسىنداي بەلگىسىز زات تابىلعان.
