اتالمىش جيىن قازاقستان رەسپۋبليكاسى عىلىم جانە جوعارى ءبىلىم مينيسترلىگىنىڭ №يرن ا09259623 «اتىراۋ وبلىسىنىڭ تاريحى. كونە زاماننان بۇگىنگە دەيىن» عىلىمي جوباسىن جۇزەگە اسىرۋ جانە ولكەتانۋلىق ۇيىمداردىڭ جۇمىسىن ناسيحاتتاۋ جانە عالىمداردىڭ تاجىريبە الماسۋ ماقساتىندا وتكىزىلدى.
شاراعا كىرىسپە سوزبەن اباي ۋنيۆەرسيتەتىنىڭ ستراتەگيا، سيفرلاندىرۋ جانە ينتەرناسيونالداندىرۋ جونىندەگى پرورەكتورى اقتولقىن قۇلسارييەۆا، تاريح جانە قۇقىق ينستيتۋتى ديرەكتورى عابيت كەنجەبايەۆ قاتىسىپ، كونفەرەنسيا مودەراتورى ق ر ۇعا كوررەسپوندەنت-مۇشەسى، ۋنيۆەرسيتەت پروفەسسورى بولات جۇماعۇلوۆ بولدى.
كونفەرەنسيا بارىسىندا تۇركيا، وزبەكستان، رەسەي مەملەكەتتەرىنىڭ عالىمدارى جانە ەلىمىزدىڭ جوعارى وقۋ ورىندارىنىڭ عالىمدارى، مەكتەپ مۇعالىمدەرى، ستۋدەنت جاستارى مەن ب ا ق وكىلدەرى قاتىستى.
