اتىراۋ ٸرگەسٸندەگٸ ەركٸنقالا اۋىلىندا بەس جىل بۇرىن پايدالانۋعا بەرٸلگەن مەملەكەتتٸك بالاباقشا جابىلدى. سەبەبٸ بٶبەكجايدىڭ ٸرگەتاسى شٶگٸپ, ٷلكەن جارىقشاقتار پايدا بولعان. بۇل جاعداي اتا-انالاردىڭ نارازىلىعىن تۋعىزدى. ٶيتكەنٸ ەندٸ تۇرعىندار ۇل-قىزدارىن الىس ەلدٸمەكەنگە اپارۋعا مەجبٷر. ولار اۋىلداعى جالعىز مەكتەپكە دەيٸنگٸ بٸلٸم بەرۋ مەكەمەسٸنٸڭ قۇرىلىسىن قاداعالاماعان شەنەۋنٸكتەردٸ كٸنەلاپ وتىر, دەپ حابارلايدى Dalanews.kz 31 ارناعا سٸلتەپ.
مەملەكەتتٸك بالاباقشانىڭ جابىلعانىن ەستٸگەن اتا-انالار اڭ-تاڭ. سەبەبٸ جاپ-جاڭا بٶبەكجاي بار بولعانى بەس جىل جۇمىس ٸستەگەن. مۇندا 200-دەن اسا ۇل-قىز تەربيەلەنٸپ كەلگەن. ەندٸ تۇرعىندار بالالارىمىزدى كٶرشٸ اۋىلعا تاسىپ ەۋرە-سارساڭعا تٷسەمٸز دەپ قاپالى.
"ٷيٸمٸزگە جاقىنى وسى ەدٸ. بٸزگە قيىن بولىپ تۇر. سەبەبٸ بالالارىمىزدى باسقا جاققا اۋىستىرعانىمىزبەن بالالار بارعىسى كەلمەيدٸ. جىلايدى, ٶز بٶبەكجايلارىنا بارعىسى كەلەدٸ", - دەيدٸ ەركٸنقالا اۋىلىنىڭ تۇرعىنى لەيلا قاليەۆا.
تەلەارنا مەلٸمەتٸنشە, 290 ورىندىق بالاباقشا قازٸر جابىق تۇر. سىرتى بٷتٸن بولعانىمەن ٸشٸ قيراپ جاتىر.
بالاباقشانىڭ بٷلٸنٸپ جاتقانىن قىزمەتكەرلەر كٶرٸپ, بٸردەن دابىل قاعىپتى. ولار مۇنداي نىساندا جۇمىس ٸستەۋ ٶتە قاۋٸپتٸ ەكەنٸن ايتادى. سوندىقتان ارنايى مامانداردى شاقىرتىپ, ساراپتاما جاساتقان.
"ماماننىڭ ايتۋى بويىنشا بالانىڭ قاۋٸپسٸزدٸگٸ ٷشٸن ولاردى قابىلداۋعا بولمايدى. سونى نەگٸزگە الا وتىرىپ, ماۋسىمنان باستاپ قالالىق بٸلٸم بٶلٸمٸنٸڭ شەشٸمٸ بويىنشا قالىپتى جاعدايداعى جۇمىسىن توقتاتتى. العا قاراي ەندٸ ەڭبەك دەمالىس بٸتكەن سوڭ قالالىق بٸلٸم بٶلٸمٸ باسشىسى قىزمەتكەرلەردٸ, تەربيەشٸلەردٸ جاقىن ماڭداعى بٶبەكجايلارعا ورنالىستىرامىز دەپ وتىر", - دەيدٸ №37 “بولاشاق” بالاباقشاسىنىڭ باسشىسى گٷلبانۋ قوناەۆا.
ال قۇرىلىس باسقارماسىنداعىلار ەكٸ قاباتتى عيماراتتى سالۋعا بيۋدجەتتەن 700 ميلليون تەڭگەگە جۋىق قاراجات كەتكەنٸن جەتكٸزدٸ. ولار عيماراتتى قابىلداپ العان كەزدە ەشقانداي اقاۋ بولماعان دەپ اقتالدى.
شەنەۋنٸكتەر بالاباقشادا كٷردەلٸ جٶندەۋ جۇمىستارىن جٷرگٸزۋدٸ جوسپارلاعان. قۇرىلىس قاشان باستالاتىنى ەزٸرگە بەلگٸسٸز.
