ٷش جىلعا سوتتالعان شىنى كورولٸ «تۇران ەلەم بانكٸنٸڭ» بۇرىنعى باسشىسى ەرجان تەتٸشەۆتٸ جەكە ەبليازوۆتىڭ تاپسىرىسىمەن قاساقانا جازىم ەتكەنٸن تٷرمەدە جاتىپ مويىنداعان. ەندٸ ول وسى قىلمىسى ٷشٸن زاڭ الدىندا جاۋاپ بەرۋدە, دەپ حابارلايدى كتك ارناسى.
تارازدا ٶتۋٸنٸڭ سەبەبٸ توقمەدي مويىنداپ وتىرعان قاندى قىلمىس جامبىل وبلىسىنىڭ اۋماعىندا بولعان. ادام ٶلتٸرۋ بابى بويىنشا ايىپتالعان توقمادي ٸسٸن وبلىستىق سوت ٶتكەن اپتادا قاراۋعا العان. ەۋ باستا ايىپتالۋشى سوت پروتسەسٸنە تەك ونلاين رەجيمٸندە قاتىسادى دەلٸنگەن. بٸراق ولاي بولماي شىقتى.
شىنى كورولٸ سوت وتىرىسىنا ٶزٸ كەلگەنٸمەن, ونىڭ ٶزٸ دە ادۆوكاتى دا بٸردەن تٷسٸرٸلٸم جاساۋعا رۇقسات ەتپەدٸ. سۋديا ٶتٸنٸشتٸ قاناعاتتاندىردى. ال, جالپى مۇراتقان توقمادي ساۋ باسىنا ساقينا تٸلەپ الدى دەسە بولادى.
ٶيتكەنٸ ول «تۇران ەلەم بانكٸنٸڭ» بۇرىنعى باسشى ەرجان تەتٸشەۆتٸ قاساقانا جازىم ەتكەنٸن 13 جىلدان كەيٸن جارييا ەتٸپ قويدى. ونىڭ نەلٸكتەن مۇنداي قادامعا بارعانى تٷسٸنٸكسٸزدەۋ.
«ول ەرجاننىڭ كٶزٸن جويۋ كەرەكتٸگٸ جٶنٸندە ۇسىنىس جاسادى. بۇل ٸس اڭشىلىق كەزٸندە بايقاۋسىزدا بولعان وقيعاداي جٷزەگە اسۋى كەرەك ەدٸ. ول بىلاي بولادى. قارۋدى ماعان بەرٸپ جاتقان كەزدە مەن اتىپ جٸبەردٸم. ەرجان سول جەردە ٶلٸپ كەتتٸ», – دەيدٸ ايىپتالۋشى مۇراتحان توقمادي.
وسىلاي دەپ سايراعان كٷدٸكتٸ سول كەزدە قىلمىسقا مۇحتار ەبليازوۆتىڭ تاپسىرىس بەرگەنٸن جەنە تەتٸشەۆتٸ قاساقانا ٶلتٸرگەنٸن جاسىرعان ەدٸ.
ال تەرگەۋشٸلەرگە تەتٸشەۆتٸڭ قازا بولۋ سەبەبٸن باسقاشا تٷسٸندٸرگەن. ياعني, وتار جازىعىندا اڭ اۋلاپ جٷرٸپ ماشينا ٸشٸندە ونىڭ قولىنداعى قارۋدان وق مارقۇمنىڭ باسىنا ابايسىزدا اتىلىپ كەتتٸ دەپ اقتالعان ەدٸ.
وسى قىلمىسى ٷشٸن ول نەبەرٸ بٸر جىلعا سوتتالىپ, تٸپتٸ راقىمشىلىققا ٸلٸنٸپ كٶپ ۇزاماي تٷرمەدەن بوساپ شىقان. ال, قىلمىستىق ٸس سول كٷيٸ جابىلعان بولاتىن.
بەلگٸلٸ كەسٸپكەردٸڭ بۇعان دەيٸن ٷش جىلعا سوتتالعانىن ايتا كەتەيٸك. ول ٶتكەن جىلى بٸرنەشە اۋىر باپتار بويىنشا ايىپتالىپ, بٸراق كٸنەسٸن مويىنداپ, ەرٸ تەرگەۋگە كٶمەك بەرگەنٸ ٷشٸن جازاسى ەدەۋٸر جەڭٸلدەگەن. ال, بۇل جولى شىنى كورولٸ وڭاي قۇتىلمايتىن تەرٸزدٸ. ادام ٶلتٸرۋ بابى بويىنشا ايىپتالعان توقمادي تٸپتٸ ٶمٸر بويىنا تٷرمەگە جابىلۋى مٷمكٸن.
