اتىراۋ وبلىسى ساعىز اۋىلىندا ۇلىنان زەبٸر كٶرگەنٸ ايتىلعان 89 جاستاعى تىل ارداگەرٸ ەدٸلحان سيسەنوۆتٸڭ نەمەرەسٸ نۇرباقىت اقنيەتقىزى جەلٸدەگٸ پاراقشاسىندا جاڭا ۆيدەو جارييالادى, دەپ حابارلايدى dalanews.kz.
نۇرباقىت اقنيەتقىزى ەلەۋمەتتٸك جەلٸدەگٸ پاراقشاسىندا اتاسىمەن بٸرگە تٷسكەن ەسەرلٸ سەتٸن بٶلٸسٸپ, قارييانىڭ قازٸرگٸ جاعدايىنا قاتىستى جازبا جارييالادى.
"90 جىل… تۇتاس بٸر عاسىردىڭ كۋەسٸ بولعان جٷرەك. كەشە عانا بٸزگە ٶمٸردٸ ٷيرەتكەن جان بٷگٸن مەنٸڭ قاسىمدا وتىرىپ, تەلەفوننىڭ ەر باتىرماسىن بالاداي قىزىعىپ باسىپ وتىر. "مىنانى قالاي اشادى?", "مىناۋ قايدا كەتەدٸ?" دەگەن ەر سۇراعىنىڭ ارتىندا سونداي بٸر پەك كٶڭٸل جاتىر. ەر كٷلكٸسٸنٸڭ ارتىندا ٷلكەن ٶمٸر بار", – دەپ جازدى ول.
نەمەرەسٸنٸڭ ايتۋىنشا, ولار اۋرۋحانادا وتىرعانىمەن, سول سەتتە ۋايىم دا, اۋىر وي دا ۇمىتىلعانداي بولعان. تەك اتا مەن نەمەرەنٸڭ بٸرگە كٷلٸپ, بٸر-بٸرٸنە جىلۋ سىيلاعان سەتٸ عانا قالعان.
"بٸر كەزدە ول مەنٸڭ قولىمنان ۇستاپ ٶمٸرگە جەتەلەدٸ. بٷگٸن مەن ونىڭ قولىنان ۇستاپ, جاڭا دٷنيەنٸ كٶرسەتٸپ وتىرمىن. ٶمٸردٸڭ ەڭ ەدەمٸ زاڭى وسى شىعار", – دەيدٸ نۇرباقىت اقنيەتقىزى.
ول كٶپشٸلٸككە جاقىندارىنىڭ قادٸرٸن ۋاقىتىندا بٸلۋگە شاقىرىپ, قاراپايىم سەتتەردٸڭ كەيٸن ەڭ قىمبات ەستەلٸككە اينالاتىنىن جازدى.
"سوندىقتان بٷگٸن قۇشاقتاپ ٷلگەرەيٸك. بٷگٸن تىڭداپ ٷلگەرەيٸك. بٷگٸن بٸرگە كٷلٸپ ٷلگەرەيٸك. ٶيتكەنٸ ەرتەڭ بٸزگە دەل وسى قاراپايىم كٶرٸنگەن سەتتەر عانا ەڭ قىمبات ەستەلٸك بولىپ قالادى. اتامنىڭ كٷلكٸسٸ ەشقاشان ٶشپەسٸن. اق ساقالىنىڭ ساياسى, باتاسى ەردايىم تٶبەمٸزدە بولسىن", – دەپ جازدى ول.
بۇعان دەيٸن باق-تا 1937 جىلى تۋعان قارييانى كەنجە ۇلى ۇرىپ-سوعىپ, ٷيدە سكوتچپەن بايلاپ تاستاعانى تۋرالى اقپارات تاراعان ەدٸ. كەزٸندە سوۆحوزدا 40 جىل بويى باسشىلىق قىزمەت اتقارعان اقساقال قازٸر قالادا تۇراتىن نەمەرەسٸنٸڭ ٷيٸنە كٶشٸرٸلٸپ, كٷتٸمگە الىنعان.
