ايماق باسشىسى كەڭەس دەۋٸرٸنەن قالعان يندۋسترييالىق الپاۋىتتىڭ اۋماعىنداعى نىساندار مەن ينفراقۇرىلىمداردىڭ جاقسى ساقتالعانىنا توقتالدى. دەسەك تە, زاۋىتتىڭ ٶزٸن قايتا ٸسكە قوسۋ قيىن شارۋا. سوندىقتان دا, وبلىس باسشىلىعى زاۋىتتىڭ اۋماعىندا بٸرقاتار جاڭا كەسٸپورىندار قۇرۋ ماقساتىندا ٶندٸرٸس نىساندارىن كەسٸپكەرلەرگە ەكٸ ايعا تەگٸن بەرۋ ٸسٸن قولعا الىپ, جەڭٸلدەتٸلگەن باعا ساياساتىن ۇسىنباق.
وڭتٷستٸك قازاقستان وبلىستىق كەسٸپكەرلەر پالاتاسىنىڭ ديرەكتورى اسقار ەبۋبەكٸروۆتٸڭ مەلٸمدەۋٸنشە, «اتامەكەن-ورداباسى» يندۋستريالدى پاركٸ كەسٸپكەرلەرگە زاڭگەرلٸك جەنە بۋحگالتەرلٸك قىزمەت كٶرسەتٸپ, ولاردى بيزنەس سالاسىندا وقىتۋدى دا قولعا الماق. سونداي-اق, اتالمىش مەكەمە كەسٸپ اشقىسى كەلەتٸندەرگە اقپاراتتىق جەنە PR قولداۋ كٶرسەتٸپ, جارنامالاۋ, قارجى كٶزٸن تارتۋعا ات سالىسۋ, بيزنەس-جوسپار جاساۋ سىندى تەگٸن قىزمەتتەر جيىنتىعىن قوسا ۇسىنىپ وتىر.
قالا سىرتىندا ورنالاسقان ٶندٸرٸس ورنىندا اۋىل شارۋاشىلىعى مەن تاماق ٶندٸرٸسٸنەن ٶزگە بارلىق سالالار ٷشٸن قولايلى جاعداي جاسالعان. وندا تاۋارلارعا ارنالعان قويما دا بار. بٷگٸندە پاركتە 5 جوبا ٸسكە اسىرىلىپ جاتىر. وبلىس ەكٸمٸ جانسەيٸت تٷيمەباەۆ تەگٸن قىزمەتتەر جيىنتىعىن تٷسٸندٸرۋ جۇمىستارىن كٷشەيتۋدٸ تاپسىردى.
«قورعاسىن زاۋىتىنىڭ بولاشاعى تٷسٸنٸكسٸز. سوندىقتان الداعى ۋاقىتتا ەكٸ زاۋىتتى دا تيٸمدٸ پايدالانۋدىڭ تەتٸكتەرٸن ويلاستىرعان جٶن. ەگەر مٷمكٸن بولىپ جاتسا, ونداعى جەر تەلٸمدەرٸ مەن ٶندٸرٸس وشاقتارىندا جاڭا ٶندٸرٸس ورىندارىن اشۋدى قولعا الۋىمىز كەرەك», - دەدٸ جانسەيٸت قانسەيٸتۇلى.
ايتا كەتەيٸك, 2010 جىلدارى «وڭتٷستiكپوليمەتالل ٶك» اكتسيونەرلٸك قوعامى مەن «قازاقمىس» كورپوراتسيياسى جەنە «ا-مەگا ترەيدينگ» جشس-نٸڭ ٷشجاقتى كەلٸسٸمٸ نەگٸزٸندە قورعاسىن زاۋىتى تولىققاندى جۇمىسقا كٶشكەن بولاتىن. الايدا, ٶنەركەسٸپ ورنىنىڭ جۇمىسى قايتا تۇرالاپ, بانكروتقا ۇشىرادى. بٷگٸندە زاۋىتتىڭ بٸرقاتار عيماراتتارى بانكتە كەپٸلدٸكتە تۇر.
وقو ەكٸمٸنٸڭ باسپاسٶز قىزمەتٸ
