2021 جىلدان باستاپ اۋداندىق ءبىلىم بولىمدەرىن باسقارۋ وبلىستىق دەڭگەيگە اۋىسادى.
«ءبىلىم بەرۋدى باسقارۋ، قارجىلاندىرۋ دا وتە وزەكتى پروبلەمالاردىڭ ءبىرى. وسىعان وراي 2021 جىلدان باستاپ اۋداندىق ءبىلىم بولىمدەرىن باسقارۋ وبلىستىق دەڭگەيگە اۋىسادى. قارجىلاندىرۋ دا وبلىستىق دەڭگەيگە كوتەرىلەتىن بولادى. ول وڭىرلەر مەن مەكەمەلەر اراسىنداعى ءبىلىم الشاقتىعىن ازايتۋعا، جەتكىلىكتى دەڭگەيدە قارجىلاندىرۋعا باعىتتالادى» دەدى اسحات ايماعامبەتوۆ.
سونىمەن قاتار مينيستر كەيىنگى كەزدەرى ءبىلىم بەرۋ مەكەمەلەرىنىڭ باسشىلارىن تاعايىنداۋ تارتىبىنە قاتىستى سۇراقتار كوبەيىپ وتىرعانىن ايتتى.
«مىسالى ءبىرقاتار ۇيىم باسشىسى 20 جىلدان استام ۋاقىتتان بەرى ءبىر ورىندا جۇمىس اتقارۋدا. باسقارۋ مەنەدجمەنتى بويىنشا دا بۇگىنگى كۇنى شىنىن ايتۋ كەرەك، سۇراقتار كوپ جانە بۇل ماسەلە سىن كوتەرمەيدى.
سوندىقتان بالاباقشا، مەكتەپ، كوللەدج ديرەكتورلارىن جاڭا جۇيەدە تاعايىندايتىن بولامىز. وعان قوسا، الداعى ۋاقىتتا روتاسيالاۋ ارقىلى اۋىستىرۋ جۇيەسىن دە قولدانامىز. زاماناۋي تالاپتارعا سايكەس دەربەس باسقارۋدان كورپوراتيۆتى باسقارۋعا ءبىلىم سالاسى دا كوشەتىن بولادى» دەدى مينيستر.
“قالا مەن دالا” گازەتىنە جازىلۋ ءجۇرىپ جاتىر.
گازەتتىڭ جازىلۋ يندەكسى: 64 607
انىقتاما ءۇشىن: 8 (707) 403 12 60
وتىرىك سويلەمەيتىن، وتكىر جازاتىن باسىلىمنىڭ وقىرمانى بولىڭىز!
