اتالعان ساناتتىڭ مەديسينالىق ساقتاندىرۋ جۇيەسىنە قاتىسۋ شارتتارىن ءتۇسىندىرۋ جۇمىستارى ورتالىق بازار مەن «كەرۋەن» وسو-دا ءوتتى.
ءموبيلدى توپتاردىڭ قۇرامىنا قالالىق جۇمىسپەن قامتۋ جانە الەۋمەتتىك قورعاۋ باسقارماسى، بايقوڭىر جانە ەسىل اۋداندارى، جۇمىسپەن قامتۋ ورتالىعى، كوشى-قون پوليسياسى، الەۋمەتتىك مەديسينالىق ساقتاندىرۋ قورىنىڭ وكىلدەرى كىردى.
ماماندار حالىقتىڭ مىندەتتى الەۋمەتتىك ساقتاندىرۋ جۇيەسىن ەنگىزۋ شەڭبەرىندە ءوز مارتەبەسىن انىقتاۋ ماقساتىندا ساۋالناما جۇرگىزىپ، ءبىرىڭعاي جيىنتىق تولەمىن تولەۋ ءتارتىبىن ءتۇسىندىردى. ۇيىمداستىرۋشىلاردىڭ ايتۋىنشا، بەكىتىلگەن كەستەگە سايكەس مۇنداي كەزدەسۋلەر حالىق كوپ جينالاتىن جەرلەردە وتكىزىلەتىن بولادى.
