استانا قالاسىندا كوپقاباتتى تۇرعىن ۇيدە شىققان ءورت سالدارىنان ءۇش بالا كوز جۇمدى. قايعىلى وقيعا تۇنگى ۋاقىتتا، 21 قاباتتى ءۇيدىڭ 15-قاباتىنداعى پاتەردە بولعان، دەپ حابارلايدى Dalanews.kz
ءورت سوندىرۋشىلەر جالىن شارپىعان پاتەردەن ايەل ادامدى الىپ شىققان. ول كۇيىك جاراقاتتارىمەن اۋرۋحاناعا جەتكىزىلدى. سونىمەن قاتار، جوعارعى قاباتتاردان 20 ادام ەۆاكۋاسيالانىپ، تاعى 40 تۇرعىن ءوز بەتىنشە سىرتقا شىققان.
قازىرگى ۋاقىتتا ماماندار ءورتتىڭ شىعۋ سەبەپتەرىن انىقتاپ جاتىر.
تۇرعىندار نە دەيدى؟
وقيعا كۋاگەرلەرىنىڭ ايتۋىنشا، اتالعان تۇرعىن ءۇي كەشەنىندە بۇعان دەيىن دە ءبىرقاتار ماسەلە جينالعان. اسىرەسە، ءورت دابىلى جۇيەسىنىڭ دۇرىس جۇمىس ىستەمەۋى جانە كولىك قويۋ ءتارتىبىنىڭ رەتتەلمەۋى تۇرعىنداردى الاڭداتقان.
كۋاگەرلەردىڭ سوزىنشە، ءۇي ماڭىندا كولىكتەر رەتسىز قويىلعاندىقتان، ءورت ءسوندىرۋ قىزمەتى وقيعا ورنىنا دەر كەزىندە جەتە الماعان. كەيبىر جۇرگىزۋشىلەر ارنايى تەحنيكانىڭ جولىن جاۋىپ تاستاعانى ايتىلۋدا.
