Astana qalasynda kópqabatty turǵyn úide shyqqan órt saldarynan úsh bala kóz jumdy. Qaiǵyly oqiǵa túngi ýaqytta, 21 qabatty úidiń 15-qabatyndaǵy páterde bolǵan, dep habarlaidy Dalanews.kz
Órt sóndirýshiler jalyn sharpyǵan páterden áiel adamdy alyp shyqqan. Ol kúiik jaraqattarymen aýrýhanaǵa jetkizildi. Sonymen qatar, joǵarǵy qabattardan 20 adam evakýatsiialanyp, taǵy 40 turǵyn óz betinshe syrtqa shyqqan.
Qazirgi ýaqytta mamandar órttiń shyǵý sebepterin anyqtap jatyr.
Turǵyndar ne deidi?
Oqiǵa kýágerleriniń aitýynsha, atalǵan turǵyn úi kesheninde buǵan deiin de birqatar másele jinalǵan. Ásirese, órt dabyly júiesiniń durys jumys istemeýi jáne kólik qoiý tártibiniń rettelmeýi turǵyndardy alańdatqan.
Kýágerlerdiń sózinshe, úi mańynda kólikter retsiz qoiylǵandyqtan, órt sóndirý qyzmeti oqiǵa ornyna der kezinde jete almaǵan. Keibir júrgizýshiler arnaiy tehnikanyń jolyn jaýyp tastaǵany aitylýda.
