ۇلى اقىن، ويشىل جانە اعارتۋشى اباي قۇنانباي ۇلىنىڭ 180 جىلدىعىنا وراي استاناداعى شولۋ دوڭگەلەگىندە ونىڭ پورترەتى جاريالاندى،– دەپ حابارلايدى Dalanews.kz
LED جارىقتاندىرۋدىڭ كومەگىمەن جاسالعان پورترەتتىڭ دياگونالى 65 مەتردى قۇرايدى جانە 53 مىڭ پيكسەلدەن تۇرادى. بۇل اۋقىمدى ينستاللياسيا قالانىڭ ءارتۇرلى ورىندارىنان – سارىارقا مەن تۇران داڭعىلدارىنان، سونداي-اق قورعالجىن تاس جولى جاعىنان جاقسى كورىنەدى.
الداعى ۋاقىتتا دوڭگەلەككە اقىننىڭ قاناتتى سوزدەرىن جاريالاۋ ارقىلى ينستاللياسيانى تولىقتىرۋ جوسپارلانىپ وتىر.