استانادا جٷزدەن استام اتا-انا “عاسىر” بٸلٸم بەرۋ ورتالىعىنا الدانىپ قالدى. بالالارىن شەتەلدە وقىتامىز دەگەن ۋەدەمەن ميلليونداپ اقشا جيناعان وقۋ ورنى اياق استىنان جۇمىسىن توقتاتىپ, باسشىلارى ٸزٸم-عايىم جوعالعان, دەپ حابارلايدى Dalanews.kz 31-ارناعا سٸلتەمە جاساپ.
جەبٸرلەنۋشٸلەردٸڭ ايتۋىنشا, ەر اتا-انا ورتا ەسەپپەن 1,5–2 ميلليون تەڭگە كٶلەمٸندە اقشا تٶلەگەن. الايدا ۋەدە ەتٸلگەن بٸلٸم بەرۋ قىزمەتٸ تولىق كٶرسەتٸلمەگەن: ساباقتار جٷيەلٸ ٶتپەگەن, دايىندىق كۋرستارى ٷزدٸكسٸز جٷرگٸزٸلمەگەن. سوعان قاراماستان اتا-انالاردىڭ كەيبٸرٸ كەلٸسٸمشارت تا جاساسپاي, ورتالىقتىڭ بەدەلٸنە سەنٸپ, بٸردەن تٶلەم جاساعان.
“پوليتسيياعا ارىزداندىق. سەبەبٸ بٸزدە كەلٸسٸمشارت بار. ولار سول كەلٸسٸمشارت بويىنشا ۋەدەلەرٸن ورىندامادى. وسى وقۋ ورتالىعىنىڭ باس ديرەكتورىنا حابارلاستىم. ول قازٸر بۇل جەردە جۇمىس ٸستەمەيتٸنٸن ايتتى. ال ورنىنا جاڭادان كەلگەن ادام تەلەفونعا جاۋاپ بەرمەيدٸ”, – دەيدٸ استانا قالاسىنىڭ تۇرعىنى باقىت كٷدەربەكوۆا.
تٸپتٸ اتا-انالارعا ورتالىقتىڭ جابىلاتىنى تۋرالى الدىن الا ەش ەسكەرتۋ جاسالماعان. كەيبٸرەۋلەر ەكٸ بالاسىن قاتار وقىتپاق بولىپ, قوسىمشا شىعىنعا باتقان. سولاردىڭ بٸرٸ – ايناگٷل نۇرماعامبەتوۆا. ول "عاسىردىڭ" رەپۋتاتسيياسىنا سەنگەندٸكتەن اقشانى كەلٸسٸمشارتسىز تٶلەگەن.
قازٸر ورتالىقتىڭ ەسٸگٸ جابىق, عيماراتقا پوليتسييا مٶر باسقان. جالعا بەرۋشٸ تاراپ وقۋ ورنى اي سايىن 4,5 ميلليون تەڭگە جالداۋ اقىسى تٶلەپ تۇرعانىن, بٸراق سوڭعى ۋاقىتتا 6 ميلليون تەڭگەدەن استام قارىز جينالعانىن ايتادى. ال ورتالىق باسشىلىعىمەن بايلانىس ورناتۋ مٷمكٸن بولماي وتىر.
اتا-انالاردىڭ ۇجىمدىق ارىزى نەگٸزٸندە پوليتسييا قىلمىستىق كودەكستٸڭ 190-بابى – “الاياقتىق” بويىنشا قىلمىستىق ٸس قوزعادى.
“تەرگەۋ بارىسىندا ازاماتتار اقشا تٶلەپ, الايدا كەلٸسٸلگەن بٸلٸم بەرۋ قىزمەتٸن تولىق الماعانى انىقتالدى. قازٸرگٸ تاڭدا سوتقا دەيٸنگٸ تەرگەۋ جٷرگٸزٸلٸپ جاتىر”, – دەدٸ ەسٸل اۋداندىق پوليتسييا باسقارماسى باستىعىنىڭ ورىنباسارى ەرجان قۇراقباەۆ.
