استانادا قالدىقتاردى قايتا ٶڭدەۋ دامىپ, جەتٸلٸپ كەلەدٸ. ەلوردالىق كەسٸپورىندار پلاستيكانى پايدالى ٶنٸمگە اينالدىرادى, ال مەكتەپتەردە وقۋشىلار قالدىقتاردى بٶلەك جيناۋدى ٷيرەنٸپ جٷر, - دەپ حابارلايدى Dalanews.kz ەلوردا ەكٸمدٸگٸنٸڭ رەسمي سايتىنا سٸلتەمە جاساپ.
قازٸرگٸ ۋاقىتتا قالدىقسىز ٶندٸرٸس قاعيداتىنا سٷيەنە وتىرىپ, قايتا ٶڭدەلگەن پلاستيكادان كٶپتەگەن ٶنٸم جاساپ شىعارىلادى: ورىندىقتار, قوقىس جەشٸكتەرٸ, بالالار الاڭىنىڭ جابدىقتارى, گٷل قۇمىرالارى جەنە باسقا دا تۇرمىستىق زاتتار.
استانادا قالدىقتاردى قايتا ٶڭدەيتٸن نەگٸزگٸ زاۋىتتان بٶلەك, پلاستيكتٸ قايتا ٶڭدەۋمەن اينالىساتىن شاعىن كەسٸپورىندار پايدا بولۋدا.
وسى كومپانييالاردىڭ بٸرٸ قالالىق جەنە جەكە اۋماقتاردى كٶگالداندىرۋ ٷشٸن قولدانىلاتىن زاتتاردى, سونداي-اق ساياباق جيھازدارى مەن شاعىن ارحيتەكتۋرالىق پٸشٸندەردٸ شىعارۋعا ماماندانعان. 2020-2024 جىلدارى كومپانييا 400 تونناعا جۋىق پلاستيك قالدىقتارىن قايتا ٶڭدەدٸ, ونىڭ ٶندٸرٸستٸك قۋاتى جىلىنا 5000-نان استام ٶنٸمدٸ قۇرايدى.
بۇل باستاما قورشاعان ورتاعا تٷسەتٸن اۋىرلىقتى ازايتىپ, قالالىق ينفراقۇرىلىمنىڭ دامۋىنا ىقپال ەتەدٸ.
سونىمەن قاتار, «تازا قازاقستان. استانا – تازالىق پەن تەرتٸپ ٷلگٸسٸ» اتتى ەكولوگييالىق اكتسييا اياسىندا ەلوردا مەكتەپتەرٸندە, قالدىقتاردى قايتا ٶڭدەۋ جوبالارى جٷزەگە اسىپ جاتىر.
وسىعان دەيٸن جوبا اياسىندا ەلوردانىڭ 40-تان استام مەكتەبٸندە تٷرلٸ-تٷستٸ كونتەينەرلەرمەن جابدىقتالعان زاماناۋي قوقىس جەشٸكتەرٸ ورناتىلعان بولاتىن, بۇل قالدىقتاردى سۇرىپتاپ, كەيٸن قايتا ٶڭدەۋدٸ جەڭٸلدەتەدٸ. سول سيياقتى قالدىقتاردى قايتا ٶڭدەۋ كٶلەمٸن ۇلعايتۋعا, مەكتەپ وقۋشىلارىنىڭ ەكولوگييالىق مەدەنيەتٸن دامىتۋعا ىقپال ەتەدٸ.
