قازاقستاندا ٶزبەكستان ازاماتى, 46 جاستاعى پروفەسسور يقبولجون قورابوەۆ ۇستالدى. BBC-دٸڭ ٶزبەك قىزمەتٸنٸڭ مەلٸمەتٸنشە, ول استاناداعى ماقسۇت نەرٸكباەۆ ۋنيۆەرسيتەتٸندە حالىقارالىق قاتىناستار پەنٸنەن ساباق بەرگەن, دەپ حابارلايدى dalanews.kz.
باسىلىمنىڭ حابارلاۋىنشا, 3 شٸلدە كٷنٸ پروفەسسوردىڭ ٷيٸنە ازاماتتىق كيٸمدەگٸ بٸرنەشە ادام كەلٸپ, وعان تىڭشىلىق جاسادى دەگەن كٷدٸك بار ەكەنٸن حابارلاعان. وسىدان كەيٸن قورابوەۆ ٶزدەرٸمەن بٸرگە الىپ كەتكەن.
BBC مەلٸمەتٸنشە, پروفەسسورعا قازاقستان رەسپۋبليكاسى قىلمىستىق كودەكسٸنٸڭ 176-بابى – «تىڭشىلىق» بويىنشا ايىپ تاعىلىپ وتىر. اتالعان باپ شەتەل مەملەكەتٸنٸڭ نەمەسە ۇيىمىنىڭ مٷددەسٸ ٷشٸن اقپارات جيناۋ, ساقتاۋ نەمەسە بەرۋ سەكٸلدٸ ەرەكەتتەردٸ قامتيدى جەنە ەلدٸڭ ۇلتتىق قاۋٸپسٸزدٸگٸنە نۇقسان كەلتٸرگەن جاعدايدا جاۋاپكەرشٸلٸك قاراستىرادى.
يقبولجون قورابوەۆ – ٶزبەكستان ازاماتى. ول استانادا جۇبايىمەن جەنە كەمەلەتكە تولماعان ٷش بالاسىمەن بٸرگە تۇرعان.
قازٸرگٸ ۋاقىتتا قازاقستاننىڭ قۇقىق قورعاۋ ورگاندارى بۇل اقپاراتقا قاتىستى رەسمي تٷسٸنٸكتەمە بەرگەن جوق.
