Qazaqstanda Ózbekstan azamaty, 46 jastaǵy professor Iqboljon Qoraboev ustaldy. BBC-diń ózbek qyzmetiniń málimetinshe, ol Astanadaǵy Maqsut Nárikbaev ýniversitetinde halyqaralyq qatynastar páninen sabaq bergen, dep habarlaidy dalanews.kz.
Basylymnyń habarlaýynsha, 3 shilde kúni professordyń úiine azamattyq kiimdegi birneshe adam kelip, oǵan tyńshylyq jasady degen kúdik bar ekenin habarlaǵan. Osydan keiin Qoraboev ózderimen birge alyp ketken.
BBC málimetinshe, professorǵa Qazaqstan Respýblikasy Qylmystyq kodeksiniń 176-baby – «Tyńshylyq» boiynsha aiyp taǵylyp otyr. Atalǵan bap shetel memleketiniń nemese uiymynyń múddesi úshin aqparat jinaý, saqtaý nemese berý sekildi áreketterdi qamtidy jáne eldiń ulttyq qaýipsizdigine nuqsan keltirgen jaǵdaida jaýapkershilik qarastyrady.
Iqboljon Qoraboev – Ózbekstan azamaty. Ol Astanada jubaiymen jáne kámeletke tolmaǵan úsh balasymen birge turǵan.
Qazirgi ýaqytta Qazaqstannyń quqyq qorǵaý organdary bul aqparatqa qatysty resmi túsinikteme bergen joq.
