ەلورداداعى ورتالىق ساياباقتا اباتتاندىرۋ جۇمىسى باستالدى. جاڭارتۋ جۇمىسى 15 مىڭ شارشى مەتردەن استام اۋماقتى قامتيدى. بۇل – «قازاقستان كۇنى» مونۋمەنتىنەن باستاپ ەسىل وزەنىنىڭ جاعالاۋىنا دەيىنگى بولىك،- دەپ حابارلايدى Dalanews.kz
بۇل جەردە ەسكى جانە زاقىمدالعان گرانيت پليتالار جاڭارتىلىپ، كوشە جيھازدارىن جوندەۋ جانە قالپىنا كەلتىرۋ جۇمىستارى جۇرگىزىلەدى. سونداي-اق جارىقتاندىرۋ جۇيەسى، ساندىك شامدار مەن سۋبۇرقاق كەشەنىنىڭ كوممۋنيكاسيالارىن قوسا العاندا، ينجەنەرلىك جەلىلەرگە اۋقىمدى جاڭعىرتۋ جاسالادى.
جاڭارتۋدىڭ باستى ەلەمەنتتەرىنىڭ ءبىرى – سۋبۇرقاق بويىنداعى اللەيا بولادى. مۇندا 150-دەن استام جوكە جانە شىرشا اعاشى وتىرعىزىلادى. جاڭا اعاشتار ساياباققا اجار بەرىپ، سەرۋەندەۋگە قولايلى جايلى ورتا قالىپتاستىرادى.
جوندەۋ كەزىندە ساياباقتاعى جاياۋ جۇرگىنشىلەر بولىگى ءىشىنارا جابىلادى، دەگەنمەن اللەيانىڭ ءبىر جاعى كەلۋشىلەر ءۇشىن اشىق بولادى. اۋدان اكىمدىگى ۋاقىتشا قولايسىزدىقتار ءۇشىن كەشىرىم سۇرايدى.
ساياباقتى اباتتاندىرۋ – ەلوردانىڭ جاسىل قورىن كوبەيتۋ جانە قوعامدىق كەڭىستىكتەردى جاقسارتۋ جونىندەگى جۇيەلى جۇمىستىڭ ءبىر بولىگى.
