استانادا وقۋشىنىڭ جۇمباق ولىمىنە قاتىستى قىلمىستىق ءىس قوزعالدى، دەپ حابارلايدى Dalanews.kz.
استانا پوليسيا دەپارتامەنتى مالىمەتىنشە، 24 قاراشادا ساعات 21:00-دە پوليسياعا ەلوردا تۇرعىنىنان 18:30 شاماسىندا قىزى ۇيدەن شىعىپ كەتىپ، بايلانىسقا شىقپاي قويعانى تۋرالى ارىز تۇسكەن.
"ونى ىزدەۋگە جەدەل تۇردە پوليسيانىڭ جەكە قۇرامى، ەرىكتىلەر جانە وزگە دە كۇشتەر جۇمىلدىرىلدى. ىزدەستىرۋ ناتيجەسىندە مەكتەپ وقۋشىسىنىڭ ءمايىتى وزەننەن تابىلدى. وز-وزىنە قول جۇمساۋ دەرەگى بويىنشا قىلمىستىق ءىس قوزعالدى. وقيعانىڭ بارلىق ءمان-جايى انىقتالىپ جاتىر"، - دەپ جازىلعان حابارلامادا.
ەسكە سالايىق، بۇعان دەيىن استانادا جوعالعان وقۋشىنىڭ دەنەسى ەسىل وزەنىنەن تابىلدى.
