ەلوردادا قازىرگى ۋاقىتتا ءومىر ءسۇرۋ ۇزاقتىعى ەل بويىنشا جوسپارلانعان دەڭگەيدەن 3،5 جىلعا جوعارى، ال 2029 جىلعا بەلگىلەنگەن ماقساتتى كورسەتكىشتەن 2 جىلعا اسىپ وتىر. بۇل تۋرالى قالالىق دەنساۋلىق ساقتاۋ باسقارماسىنىڭ ورىنباسارى اينۇر تولەۋوۆا ءمالىم ەتتى،- دەپ حابارلايدى Dalanews.kz
باسقارما باسشىسى ورىنباسارىنىڭ مالىمەتىنشە، اسىرەسە استانادا تۋبەركۋلەزگە قارسى كۇرەستەگى جەتىستىكتەر ايتارلىقتاي جاقسارعان.
«اۋرۋشاڭدىق 21،5%-عا، ال ءولىم-جىتىم 6،5%-عا ازايدى. ءينسۋلتتى ەمدەۋدە گوسپيتالدىق ءولىم-جىتىم 8%-عا تومەندەدى، ال اۋرۋحانادان شىققاننان كەيىن ۇيدە ءبىر اي ىشىندە بولاتىن ءولىم-جىتىم 32%-عا ازايدى. ونكولوگيالىق كومەكتى ەرتە انىقتاۋ ۇلەسى ءوسىپ كەلەدى: قازىرگى تاڭدا اۋرۋلاردىڭ 34،6%-ى باستاپقى كەزەڭدە دياگنوستيكالانۋدا، بۇل كەزدە ەمدەۋ ەڭ ءتيىمدى»، – دەپ اتاپ ءوتتى ول.
سونىمەن قاتار، ميوكارد ينفاركتىسىن ەمدەۋدەگى كورسەتكىشتەر ايتارلىقتاي جاقسارعان: بارلىق پاسيەنت ۇسىنىلعان 120 مينۋت ىشىندە تەرى ارقىلى كورونارلىق ارالاسۋ ورتالىعىنا جەتكىزىلەدى.
جەدەل جاردەمنىڭ كەلۋ ۋاقىتى دا قىسقارتىلعان – شاقىرۋلاردىڭ 98،1%-ى 40 مينۋت ىشىندە ورىندالۋدا.
ۆەدومستۆو وكىلى سونىمەن قاتار نارەستەلەر اراسىنداعى ءولىم-جىتىم كورسەتكىشتەرىندەگى وڭ وزگەرىستەردى دە اتاپ ءوتتى. مىسالى، تۇقىم قۋالايتىن دامۋداعى اقاۋلاردان بولاتىن ءولىم-جىتىم ەكى ەسەگە تومەندەپ، 14-تەن 8 جاعدايعا دەيىن قىسقاردى. سونداي-اق، بيىل ينفەكسيالىق سەبەپتەردەن بولاتىن ءولىم-جىتىم تىركەلگەن جوق.
