استانا قالاسىندا قازا تاپقان ادامدى جەرلەۋ رەسٸمدەرٸن اتقارۋ ٷشٸن قوماقتى قاراجات كەرەك. بۇل تۋرالى مەجٸلٸس دەپۋتاتى سامات نۇرتازا مەلٸمدەدٸ, دەپ حابارلايدى Dalanews.kz.
"بٷگٸن جەرلەۋ رەسٸمٸ تۋرالى اقپارات بٸلدٸم. استانا قالاسىنا عانا قاتىستى باعالار.
باياعىدا جاقىنىڭ قايتىس بولعاندا, بٸرەۋ بازارعا ٶرٸك-مەيٸز ٸزدەپ كەتەتٸن, بٸرەۋ مولدانى شاقىرۋعا كەتەتٸن, بٸرەۋ جەر ٸزدەپ كەتەتٸن, بٸرەۋ جىلقى سويۋعا زىمىرايتىن. قازٸر نارىق زامانىندا “پوحورونى پود كليۋچ” دەگەن قۇبىلىس بار ەكەن.
جاقىنىڭ قايتىس بولعاندا, پوليتسيياعا حابارلاساسىڭ. پوليتسييامەن بٸرگە جەدەل جەردەم كەلٸپ, جاقىنىڭنىڭ ٶز اجالىمەن قايتىس بولعانىن راستايدى. سوسىن “ٶلٸم تۋرالى كۋەلٸك” بەرٸلەدٸ.
جەرلەۋمەن اينالىساتىن فيرمالارعا حابارلاسساڭ, ولاردا مەيٸتتٸ جۋاتىن ارنايى ورىن مەن جۋاتىن ادامدارى, مارقۇمدى ورايتىن ماتاسى, زيراتقا دەيٸن وراپ اپاراتىن كٸلەم, جەرلەۋگە دەيٸن ساقتايتىن حولوديلنيك, زيراتقا دەيٸن اپاراتىن كاتافالك كٶلٸگٸ دە دايىن. مەشٸتتەن شىعارامىن دەسەڭ دە, مەشٸت پەن يمام دايىن", - دەپ جازدى مەجٸلٸسمەن.
ونىڭ دەرەگٸنشە, جەر دە سول باعاعا كٸرەدٸ. قوستاناي تراسساسىندا ياكي پاۆلودار تراسساسىنداعى ەكٸ زيراتتىڭ بٸرەۋٸن تاڭداي الاسىز. كٶر قازۋ 4-5 ساعات ۋاقىتتى الاتىن كٶرٸنەدٸ. جوعارىدا جازىلعاننىڭ بارلىعىنا 450-500 مىڭ تگ كەتەدٸ.
"ەندٸ رەستوران. رەستوران ەر ادامنىڭ ٶز شاماسىنا قاراي, بٸراق سول فيرماعا “اسىن جاساپ بەر” دەسەڭٸز, سٸزگە ەكٸ باعا ۇسىنادى. ەگەر ەتتٸ ٶزٸڭٸز ەكەلسەڭٸز, ادام باسىنا 8 مىڭ تگ. وعان كەمپيت, ٶرٸك-مەيٸز يتد كٸرەدٸ. ەگەر ەت رەستوراننان بولسا, ادام باسىنا 15 مىڭ تگ. ول كەزدە سٸز تەك اقشا تٶلەپ, كەلگەن-كەتكەن ادامداردىڭ كٶڭٸل ايتقانىن قابىلداپ تۇراسىز. اس اياقتالعان سوڭ, داستارحاندا قالعان تاماقتىڭ بەرٸن ەكەتە الاسىز.
زيرات سالۋ: زيراتتى 40 كٷندە سالىپ بٸتٸرەمٸز دەدٸ. جەي تەمٸرمەن قورشاپ, تٶرت جاعىنا مۇسىلماننىڭ بەلگٸسٸ اي مەن جۇلدىزداردى ورنالاستىرۋ - 350 مىڭ تگ. ال بيٸكتٸگٸ 140سم اق كٸرپٸشتەن قورشالعان زيرات سالۋ - 800 مىڭ تگ. ارى قاراي فانتازيياڭىز بەن قالتاڭىز شىداسا, باعا ٶسە بەرەدٸ. گرانيت, مرامور يتد.
قىسقا قايىرساق, استانا قالاسىندا بٸر ادامدى جەرلەۋ - 1.500.000تگ شاماسىندا شىعىپ تۇر. تۋىسقانى از, جالعىز-جارىم ادامدار ٷشٸن, بۇل دا شەشٸم دەپ ويلايمىن", - دەلٸنگەن دەپۋتاتتىڭ جازباسىندا.
