استانادا قالالىق جەدەل مەديتسينالىق جەردەم ستانتسيياسى عيماراتىنىڭ قابىرعاسىنا قىزمەتتٸك مٸندەتٸن ورىنداۋ بارىسىندا قازا تاپقان فەلدشەر ۇلدانا مىرزۋانعا ارنالعان ەسكەرتكٸش تاقتا ورناتىلدى, دەپ حابارلايدى Dalanews.kz
ەسكەرتكٸش تاقتانىڭ اشىلۋ رەسٸمٸنە دەنساۋلىق ساقتاۋ مينيسترٸ اقمارال ەلنازاروۆا مەن ۇلدانا مىرزۋاننىڭ اناسى سەليما يشانقۇلقىزى, تۋىستارى جەنە جەدەل مەديتسينالىق جەردەم ستانتسيياسىنىڭ قىزمەتكەرلەرٸ قاتىستى.
«ۇلدانا قالدارحانقىزى 2017-2021 جىلدارى استانا قالاسىنداعى «دانالىق» كوللەدجٸندە ەمدەۋ ٸسٸ ماماندىعى فەلدشەر بٸلٸكتٸلٸگٸ بويىنشا بٸلٸم الىپ, وقۋ ورنىن ٷزدٸك ديپلوممەن بٸتٸرگەن. بٷگٸن سول كوللەدجدە ۇلدانانىڭ اتىنداعى ارنايى اۋديتورييا اشىلادى. وقۋ بٸتٸرگەلٸ 4 جىل كٶلەمٸندە ٶمٸرٸنٸڭ سوڭىنا دەيٸن استانا قالالىق جەدەل مەديتسينالىق جەردەم ستانتسيياسىندا ەڭبەك ەتتٸ. جاس بولسا دا, كەسٸبي ادالدىعىمەن كٶزگە تٷسكەن جەنە شۇعىل جاعدايلاردا ٶز بەتٸنشە شەشٸم قابىلداي الاتىن بٸلٸكتٸ مامانعا اينالدى. ۇلدانا قالدارحانقىزىنىڭ تۋعان-تۋىستارىنا, اناسىنا, جاقىندارىنا, جۇبايىنا, جەدەل جەردەم قىزمەتكەرلەرٸ ۇجىمىنا قازاقستانداعى مەديتسينا سالاسىندا جۇمىس ٸستەپ جٷرگەن 300 مىڭنان اسا قىزمەتكەردٸڭ اتىنان, ٶز اتىمنان قايعىرىپ, كٶڭٸل ايتامىن», – دەدٸ مينيستر.
سونىمەن قاتار مينيستر ۇلدانا مىزۋاننىڭ ەسٸمٸ وتاندىق مەديتسينا تاريحىندا جازىلاتىنىن اتاپ ٶتتٸ.
ۇلدانا مىرزۋاننىڭ اناسى سەليما يشانقۇلقىزى مارقۇم قىزىنا قۇرمەت كٶرسەتٸلٸپ جاتقانى ٷشٸن دەنساۋلىق ساقتاۋ مينيسترٸ مەن مەديتسينا سالاسىنىڭ قىزمەتكەرلەرٸنە العىسىن ايتتى.
استانا قالالىق جەدەل مەديتسينالىق جەردەم ستانتسيياسىنىڭ قىزمەتكەرلەرٸ ەسكەرتكٸش تاقتا الدىنا گٷل شوقتارىن قويدى.
ەسكەرتكٸش تاقتانىڭ اشىلۋىنان كەيٸن جەدەل مەديتسينالىق جەردەم ستانتسيياسى مەكەمەسٸندە جايىلعان داستارحان باسىندا استانا قالاسىنداعى شەيح كۋنتا قاجى مەشٸتٸنٸڭ باس يمامى بەكقوجا ٶمٸرزاق مارقۇمنىڭ رۋحىنا ارناپ قۇران باعىشتادى.
ەستەرٸڭٸزگە سالا كەتەيٸك, ۇلدانا مىرزۋان 2025 جىلعى 8 قاراشادا استانا قالاسىندا كٶپ قاباتتى ٷيلەردٸڭ بٸرٸنٸڭ قاسبەتٸ سٶگٸلٸپ, بٸرنەشە ادام زارداپ شەككەن. تۇرعىندار شاقىرتقان جەدەل جەردەم قۇرامىندا فەلدشەر ۇلدانا دا بولعان. اۋىر جارالانعان جاس مامان ون كٷننەن كەيٸن – 18 قاراشادا اۋرۋحانادا كٶز جۇمدى.
