استانا قالاسىنىڭ اكىمى جەڭىس قاسىمبەك Instagram پاراقشاسىندا سالىنىپ جاتقان كارىز تازارتۋ قۇرىلىسى جايلى جازدى،- دەپ حابارلايدى Dalanews.kz
«قازىرگى ۋاقىتتا شارۋاشىلىق-تۇرمىستىق اعىندى سۋ تاۋلىگىنە 254 مىڭ م³ قۋاتتىلىعى بار كارىز تازارتۋ قۇرىلىسىندا (№1 كتق) تازارتىلادى.
باس جوسپارعا سايكەس، 2035 جىلعا قاراي قالا تۇرعىندارىنىڭ سانى شامامەن 2 ملن 275 مىڭ ادامعا جەتەدى. بۇل شارۋاشىلىق-تۇرمىستىق اعىندى سۋدىڭ ەداۋىر ارتۋىنا جانە قوسىمشا تازارتۋ قۇرىلىستارىن سالۋ قاجەتتىگىنە الىپ كەلەدى.
وسىنى ەسكەرە وتىرىپ، قالادا جاڭا كارىز تازارتۋ قۇرىلىسىن (№2 كتق)، وعان قوسا كىرمە جانە شىعارۋ كوللەكتورلارىن سالۋ باستالدى. №2 كتق-نىڭ قۋاتتىلىعى تاۋلىگىنە 188 مىڭ م³ قۇرايدى. قالا ءۇشىن ماڭىزدى بۇل نىساندى 2028 جىلى اياقتاۋ جوسپارلانىپ وتىر»، – دەپ جازدى جەڭىس قاسىمبەك.
