استانادا پوليسيا گاشيش ساتۋ ارناسىن اشكەرەلەدى، – دەپ حابارلايدى Dalanews.kz Polisia.kz سايتىنا سىلتەمە جاساپ.
ەلوردادا جۇرگىزىلگەن جەدەل ءىس-شارالار بارىسىندا كوشى-قون زاڭناماسىن بۇزعانى ءۇشىن جاۋاپكەرشىلىككە تارتىلعان شەتەل ازاماتى ۇستالدى. ءتىنتۋ كەزىندە ودان وزىنە ءتان ءيىسى بار، وسىمدىك تەكتەس زات سالىنعان قاعاز قوراپ تابىلىپ، ونىڭ گاشيش ەكەنى انىقتالدى. ەسىرتكى زاتى تاركىلەنىپ، كۇدىكتىگە قاتىستى قىلمىستىق ءىس قوزعالدى.
ودان ءارى جۇرگىزىلگەن جەدەل-ىزدەستىرۋ ءىس-شارالارى ناتيجەسىندە تاركىلەنگەن ەسىرتكىنى ساتۋعا قاتىسى بار تۇلعا انىقتالدى. ونىڭ 57 جاستاعى جۇك تاسىمالداۋشى بولىپ جۇمىس ىستەيتىن ەلوردا تۇرعىنى ەكەنى بەلگىلى بولدى. تۇرعىلىقتى جەرى بويىنشا جۇرگىزىلگەن ءتىنتۋ كەزىندە شامامەن 6 كەلى گاشيش تابىلدى. ساتۋعا دايىنداپ قويعان 10 قاپتاما ەسىرتكى زاتى مەن 110 قاعاز وراما، سونداي-اق ولشەۋگە جانە بۋىپ-تۇيۋگە ارنالعان تارازى مەن قۇرالدار تاركىلەندى. ەر ادام ەسىرتكى زاتتارىن تانىستارى ارقىلى ورامالاردى ساتىپ الۋشىلارعا قولما-قول بەرىپ وتىرعان. بارلىق تاركىلەنگەن زات ايعاق رەتىندە الىندى، كۇدىكتى ۋاقىتشا ۇستاۋ يزولياتورىنا قامالدى. كۇدىكتىلەرگە قاتىستى قىلمىستىق ءىس قوزعالدى. پوليسيا ەسىرتكى زاتتارىن ساقتاۋ، ساتۋ جانە تاراتۋ ءۇشىن قىلمىستىق جاۋاپكەرشىلىك كوزدەلگەنىن ەسكەرتەدى.
