استانادا بٸرنەشە رەت الاياقتىق جاسادى دەگەن كٷدٸككە ٸلٸنگەن 30 جاستاعى ەر ادام ۇستالدى, دەپ حابارلايدى Dalanews.kz.
ەلوردا پوليتسيياسى دەپارتامەنتٸنٸڭ مەلٸمەتٸنشە, تەرگەۋ ماتەريالدارى كٷدٸكتٸنٸڭ كەمٸندە 20 الاياقتىق ەپيزودىنا قاتىسى بولۋى مٷمكٸن ەكەنٸن كٶرسەتكەن. تەرگەۋ بارىسىندا ونىڭ تانىستارىنىڭ سەنٸمٸنە كٸرٸپ, "اقشاڭىزدى ينۆەستيتسييالاپ, كٶبەيتٸپ بەرەمٸن" دەپ ۋەدە بەرگەنٸ انىقتالعان.
العاشىندا ول بٸر-ەكٸ رەت ازداعان سومانى قايتارىپ, ٶزٸن سەنٸمدٸ ادام رەتٸندە كٶرسەتكەن. وسىلايشا جەبٸرلەنۋشٸلەردٸڭ سەنٸمٸنە ەبدەن كٸرگەننەن كەيٸن, ولاردان ٸرٸ كٶلەمدە اقشا الىپ, قاراجاتتى جەكە باسىنىڭ قاجەتٸنە جۇمساعان.
سالدارىنان ازاماتتار قوماقتى قارجىسىنان ايىرىلعان. پوليتسەيلەردٸڭ ايتۋىنشا, جەبٸرلەنۋشٸلەردٸڭ بٸرٸنە كەلتٸرٸلگەن شىعىن كٶلەمٸ 2,25 ملن تەڭگەنٸ قۇراعان.
قازٸرگٸ ۋاقىتتا كٷدٸكتٸ قاماۋعا الىندى. تەرتٸپ ساقشىلارى ونىڭ باسقا دا قىلمىستارعا قاتىسى بار-جوعىن تەكسەرٸپ جاتىر.
