استانانى اق ۇلپا باستى، قار تاڭەرتەڭنەن بەرى ۇزدىكسىز جاۋىپ جاتىر. جاۋىن شاشىننىڭ كوپ تۇسۋىنە بايلانىستى قالانىڭ كوممۋنالدىق قىزمەتتەرى تاۋلىك بويى كۇشەيتىلگەن رەجيمدە جۇمىس ىستەيدى، – دەپ حابارلايدى Dalanews.kz استانا قالاسى اكىمىنىڭ باسپا ءسوز قىزمەتىنە سىلتەمە جاساپ.
11 قاراشادا ەلوردا بويىنشا قار تازالاۋ جۇمىستارىنا 1،3 مىڭنان استام ارنايى تەحنيكا مەن 2،4 مىڭنان استام جول جۇمىسشىسى جۇمىلدىرىلدى.
ەرەجەگە سايكەس، ەڭ الدىمەن جولداردا كەپتەلىس بولماس ءۇشىن وتە قارقىندى قوزعالىس ايماقتارى تازارتىلادى. سونداي-اق ورتاشا قارقىندىلىعى بار ۋچاسكەلەر-الاڭدار، ۆوكزال ماڭى اۋماقتارى، تروتۋارلار، الەۋمەتتىك نىساندارعا كىرمە جولدار جانە ت. ب. ورىندار قاردان تازارتىلادى.
10 قاراشادان 11 قاراشاعا قاراعان ءتۇنى قالادان پوليگوندارعا 20 مىڭ تەكشە مەتردەن استام قار، 2 096 اۋىر جۇك رەيسى شىعارىلدى.
قار جاۋا باستاعاننان بەرى استانادا ءبىر اپتا ىشىندە 57 مىڭ تەكشە مەتردەن استام قار شىعارىلدى، بۇل 4595 جۇك رەيسىنە تەڭ.
