19 تامىزدا استانادا ەزٸلكەش عالىم قالياقباروۆتىڭ ستەنداپ كونتسەرتٸ توقتاتىلدى, دەپ حابارلايدى dalanews.kz.
ٶنەرپاز ساحنادا ٶنەر كٶرسەتٸپ تۇرعان كەزدە زالعا پوليتسييا قىزمەتكەرلەرٸ مەن ەسٸل اۋدانى ەكٸمدٸگٸنٸڭ ٶكٸلدەرٸ كٸرگەن. ارتىنشا عالىم قالياقباروۆتى ساحنادان تٷسٸرٸپ, ساحنا سىرتىنا الىپ كەتكەن. وسىلايشا, كٶرەرمەن تاماشالاپ وتىرعان كەش ەرٸ قاراي جالعاسپاعان.
ەسٸل اۋدانى ەكٸمدٸگٸنٸڭ مەلٸمدەۋٸنشە, ۇيىمداستىرۋشىلار كونتسەرت ٶتەتٸنٸ تۋرالى جەرگٸلٸكتٸ بيلٸككە الدىن الا حابار بەرمەگەن. ەكٸمدٸك مۇنداي شارانى ٶتكٸزۋ جوسپارى جٶنٸندە كەمٸندە ون كٷن بۇرىن ەسكەرتۋ قاجەت ەكەنٸن العا تارتتى.
الايدا بۇل تٷسٸنٸكتەمە كٶرەرمەننٸڭ نارازىلىعىن تۋعىزدى. ولاردىڭ ايتۋىنشا, جينالعاندار قوعامدىق تەرتٸپتٸ بۇزباعان, تەك ەزٸلكەشتٸڭ ٶنەرٸن تاماشالاۋعا كەلگەن. كٶپشٸلٸك بۇل ساياسي جيىن دا, ميتينگ تە ەمەس, قاراپايىم ستەنداپ كەشٸ بولعانىن ايتىپ, پوليتسييانىڭ ارالاسۋىن ورىنسىز دەپ باعالادى.
ال ەكٸمدٸك ٶكٸلدەرٸ شارانى توقتاتۋ ٷشٸن ەمەس, زاڭ تالاپتارى مەن قاۋٸپسٸزدٸك ەرەجەلەرٸن تٷسٸندٸرۋ ماقساتىندا بارعانىن مەلٸمدەدٸ. وسى جاعدايدان كەيٸن كەشتٸ ۇيىمداستىرۋشىلار ەسٸل اۋداندىق پوليتسييا باسقارماسىنا جەتكٸزٸلٸپ, ولارمەن تٷسٸندٸرۋ ەڭگٸمەسٸ جٷرگٸزٸلگەن.
