19 tamyzda Astanada ázilkesh Ǵalym Qaliaqbarovtyń stendap kontserti toqtatyldy, dep habarlaidy dalanews.kz.
Ónerpaz sahnada óner kórsetip turǵan kezde zalǵa politsiia qyzmetkerleri men Esil aýdany ákimdiginiń ókilderi kirgen. Artynsha Ǵalym Qaliaqbarovty sahnadan túsirip, sahna syrtyna alyp ketken. Osylaisha, kórermen tamashalap otyrǵan kesh ári qarai jalǵaspaǵan.
Esil aýdany ákimdiginiń málimdeýinshe, uiymdastyrýshylar kontsert ótetini týraly jergilikti bilikke aldyn ala habar bermegen. Ákimdik mundai sharany ótkizý jospary jóninde keminde on kún buryn eskertý qajet ekenin alǵa tartty.
Alaida bul túsinikteme kórermenniń narazylyǵyn týǵyzdy. Olardyń aitýynsha, jinalǵandar qoǵamdyq tártipti buzbaǵan, tek ázilkeshtiń ónerin tamashalaýǵa kelgen. Kópshilik bul saiasi jiyn da, miting te emes, qarapaiym stendap keshi bolǵanyn aityp, politsiianyń aralasýyn orynsyz dep baǵalady.
Al ákimdik ókilderi sharany toqtatý úshin emes, zań talaptary men qaýipsizdik erejelerin túsindirý maqsatynda barǵanyn málimdedi. Osy jaǵdaidan keiin keshti uiymdastyrýshylar Esil aýdandyq politsiia basqarmasyna jetkizilip, olarmen túsindirý áńgimesi júrgizilgen.
