ءبىلىم كۇنى اياسىندا استانادا 28 مىڭ وقۋشىعا (2 اۋىسىمدا) ارنالعان جەتى جاڭا مەكتەپ سالتاناتتى تۇردە اشىلدى. بارلىعى ۇلتتىق جوبا «كەلەشەك مەكتەپتەرى» اياسىندا بوي كوتەرىپ، زاماناۋي سىنىپتارمەن، زەرتحانالارمەن جانە سپورت زالدارىمەن جابدىقتالدى،- دەپ حابارلايدى Dalanews.kz
بارلىق مەكتەپ سوڭعى تەحنولوگيالار مەن جاڭا تالاپتارعا ساي جابدىقتالعان. ەسكە سالا كەتەيىك، وقۋ ورىندارى مەملەكەت باسشىسىنىڭ تاپسىرماسىنا سايكەس «كەلەشەك مەكتەپتەرى» ۇلتتىق جوباسى اياسىندا سالىنىپ جاتىر.
جاڭا وقۋ ورىندارى قاۋىپسىزدىك پەن سيفرلاندىرۋ تالاپتارىنا جاۋاپ بەرەدى. ولاردىڭ باستى ماقساتى – بالالارعا جايلى ءبىلىم بەرۋ ورتاسىن قۇرۋ، ءۇش اۋىسىمدى وقىتۋدى جويۋ جانە مەكتەپتەردەگى شامادان تىس جۇكتەمەنى ازايتۋ.
جاڭا ءبىلىم وردالارىنىڭ اشىلۋ راسىمىنە ق ر وقۋ-اعارتۋ ۆيسە-مينيسترلەرى ەدىل وسپان، مايرا مەلدەبەكوۆا جانە اسىلبەك احمەتجانوۆ، سونداي-اق استانا قالاسى اكىمىنىڭ ورىنباسارى ەسەت بايكەن مەن قالالىق ءبىلىم باسقارماسىنىڭ وكىلدەرى قاتىستى.
جاڭا وقۋ جىلىنىڭ باسىنان باستاپ ەلوردادا 28 مىڭ ورىنعا ارنالعان (2 اۋىسىمدا) 7 جاڭا جايلى مەكتەپ پايدالانۋعا بەرىلدى. جالپى العاندا، وقۋ جىلى ىشىندە 15 جاڭا مەكتەپ اشۋ جوسپارلانىپ وتىر.
وتكەن وقۋ جىلىندا رەكوردتىق كورسەتكىشپەن 66 مىڭ ورىنعا ارنالعان (2 اۋىسىمدا) 24 مەكتەپ اشىلعان ەدى. ونىڭ ىشىندە 16-سى – «جايلى مەكتەپتەر». بۇل شارالار ءۇش اۋىسىمدى وقىتۋ مەن مەكتەپتەردەگى جۇكتەمە ماسەلەسىن كەزەڭ-كەزەڭىمەن شەشۋگە مۇمكىندىك بەرۋدە.
ايتا كەتەيىك، جاڭا وقۋ جىلى قارساڭىندا ەلوردادا جالپى سانى 206 مەكتەپ جۇمىس ىستەپ تۇر. ونىڭ 122ء-سى – مەملەكەتتىك، 77ء-سى – جەكەمەنشىك، 7-ەۋى – رەسپۋبليكالىق مەكتەپ. جالپى قامتىلعان وقۋشىلار سانى 310 مىڭنان اسادى.
2025-2027 جىلدارعا ارنالعان ءبىلىم بەرۋ جۇيەسىن جاڭعىرتۋ جوسپارى شەڭبەرىندە 22 مەكتەپتى جاڭارتۋ بەكىتىلگەن. 2025 جىلى ءقازىردىڭ وزىندە 6 ءبىلىم ورداسىنا كۇردەلى جوندەۋ جۇرگىزىلدى.
بۇدان بولەك، بيىل ءبىرىنشى سىنىپقا 31 مىڭ بالا باردى.
