استانا سوتىندا قۋاندىق بيشٸمباەۆتىڭ اتا-اناسىنىڭ تالاپ-ارىزى قارالىپ جاتىر, - دەپ حابارلايدى Dalanews.kz.
Nege.kz مەلٸمەتٸنشە, استانا قالاسىنىڭ ازاماتتىق ٸستەر جٶنٸندەگٸ اۋدانارالىق سوتىندا ۋەليحان بيشٸمباەۆ پەن الميرا نۇرلىبەكوۆانىڭ قايرات كەمەلوۆكە قارسى ابىروي مەن قادٸر-قاسيەتتٸ قورعاۋ تۋرالى ارىزى قارالىپ جاتىر.
قاڭتاردا AIRAN YouTube ارناسىندا بيشٸمباەۆتىڭ اناسى ٶزٸنٸڭ تۋىسى بەكزات كەمەلوۆاعا قارسى قىلمىستىق ٸس قوزعاۋعا باستاماشى بولعانى تۋرالى ماتەريال شىققان.
بولجام بويىنشا بەكزات كەمەلوۆا ولاردان 1 ميلليون دوللاردى الداپ العان جەنە كەيٸن قايتارۋدان باس تارتقان. كٷدٸكتٸنٸڭ كٷيەۋٸ, سوت-مەديتسينا ساراپشىسى قايرات كەمەلوۆتىڭ ايتۋىنشا, الميرا نۇرلىبەكوۆا سالتانات نٷكەنوۆانىڭ ٶلٸمٸنە قاتىستى ٸس بويىنشا ساراپتاما قورىتىندىسىنا ىقپال ەتۋدەن باس تارتقانى ٷشٸن ولاردان وسىلايشا كەك الىپ وتىر.
بيشٸمباەۆتار وتباسىنىڭ ادۆوكاتى ەرلان عازىمجانوۆ باسىلىمعا وقيعانىڭ مەن-جايىن ايتىپ بەرگەن.
"تەرگەۋ امالدارى جٷرٸپ جاتقاندا بيشٸمباەۆتاردىڭ ٷيٸنە بەكزات كەمەلوۆا كەلٸپ (تۋىسى قايرات كەمەلوۆتٸڭ ەيەلٸ – ەسك.) "انتيكوردا جۇمىس ٸستەيتٸن كٷيەۋبالامنان ەستٸپ-بٸلدٸم, "قۋاندىقتىڭ تۋىستارىنىڭ ٷيٸنە تٸنتۋ جٷرگٸزەدٸ ەكەن. تٸزٸمدە 30 ادام تۇر, تەك بٸزدٸڭ فاميلييا جوق" دەپ ايتتى. سوندىقتان ٷيٸڭٸزدە قىمبات, باعالى دٷنيەلەر نەمەسە اقشا بولسا, بەكەردەن-بەكەر كٷيٸپ كەتپەسٸن. ودان دا بٸز الىپ, ساقتاپ بەرەيٸك. كەرەك كەزدە الاسىز عوي..." – دەپ سەندٸرٸپ ەرٸ پسيحولوگييالىق قىسىم جاساپ, قورقىتادى. ەڭ قىزىعى ول بۇل ەرەكەتٸن كٷيەۋٸنە ايتپاعان كٶرٸنەدٸ.
ەسٸڭٸزدە مە, دەل سول ۋاقىتتا اقپارات قۇرالدارىندا "بۇلاردىڭ بٷكٸل اقشاسىن تەكسەرۋ كەرەك! بەرٸن تارتىپ الىپ قويۋ كەرەك!" دەگەن جازبالار كٶبەيدٸ عوي. ودان كەيٸن نٷكەنوۆانىڭ ەكەسٸ "بيشٸمباەۆتار بايلىعىن تەكسەرۋدٸ تالاپ ەتەمٸن. ولار اقشانى قايدان تاۋىپ جاتىر?" دەگەن سارىندا پرەزيدەنتكە اشىق ٷندەۋ جولداعان.
بۇل بار, ەكٸنشٸ جاعىنان ەلگٸ تۋىسىنىڭ ايتقانى بار, الميرا نۇرلىبەكوۆا باسىندا تارتىنشاقتاعانداي بولادى. بٸراق ويلانا كەلە, تۋىسىنا سەنٸپ, 1 ملن دوللارىن بەرەدٸ. ەكٸنشٸدەن, اياق استىنان دوللار ٶسٸپ كەتكەندە جيعان-تەرگەنٸ سەل دە بولسا ساقتالادى دەپ ويلاسا كەرەك. سودان ەشقانداي تٸنتۋ شاراسى جٷرگٸزٸلگەن جوق. سوت ٶتٸپ, قۋاندىق بيشٸمباەۆقا جازا تاعايىندالعان سوڭ, الميرا نەسيەسٸن, شىعىنىن تٶلەۋ ٷشٸن اقشاسىن سۇرايدى. بٸراق نەگە ەكەنٸ بەلگٸسٸز, كٷندە "ەرتەڭ", "كەلەسٸ اپتا" دەپ جٷرٸپ, اقىر سوڭىندا "بٸزدە ەشقانداي اقشا جوق. بٸز سٸزدەرگە ەشتەڭە بەرە المايمىز" دەپ سٶزٸنەن تايقىپ شىققان", - دەگەن ادۆوكات.
